नक्कली पीसीआर रिपोर्ट बनाउने दुई जना स्वास्थ्यकर्मी पक्राउ

सुरक्षा-अपराध

गृहपृष्ठ
सुरक्षा-अपराध
नक्कली पीसीआर रिपोर्ट बनाउने दुई जना स्वास्थ्यकर्मी पक्राउ

नक्कली पीसीआर रिपोर्ट बनाउने दुई जना स्वास्थ्यकर्मी पक्राउ

बिहीबार, माघ २७, २०७८ बागेश्वरी पोस्ट

नेपालगन्ज । नक्कली पीसीआर रिपोर्ट बनाउने दुई जना पक्राउ परेका छन् ।

जिल्ला प्रहरी चितवनले भरतपुर महानगरपालिका– १३ चौबीसकोठीमा अवस्थित देव अस्पतालमा कार्यरत स्वास्थ्य सहायक (हेल्थ एसिस्टेन्ट) २८ वर्षीय सन्दीप सापकोटा र रत्ननगर नगरपालिका–६ का २६ वर्षीय प्रकाश न्यौपानेलाई पक्राउ गरेको छ ।

अस्पतालमा उपचारका लागि आएका बिरामीको नमूना सङ्कलन गरी नक्कली रिपोर्ट बनाएको सूचनाका आधारमा उनीहरुलाई पक्राउ गरिएको हो । कार्यालयका सूचना अधिकारी नरहरि अधिकारीका अनुसार उनीहरूलाई यही माघ २५ गते पक्राउ गरी आज सार्वजनिक गरिएको हो ।

पक्राउ परेका उनीहरुलाई लिखत सम्बन्धि कसुरमा जिल्ला अदालतमार्फत् म्याद थप गरी अनुसन्धान शुरु गरिएको उनले जानकारी दिए । रासस

प्रकाशित मिति: बिहीबार, माघ २७, २०७८ १२:०४

प्रतिक्रिया दिनुहोस्