रेडियो सफलले शुरु गर्‍यो पत्रकारिता तालिम

स्थानीय

गृहपृष्ठ
स्थानीय
रेडियो सफलले शुरु गर्‍यो पत्रकारिता तालिम

रेडियो सफलले शुरु गर्‍यो पत्रकारिता तालिम

आइतबार, फागुन १, २०७८ बागेश्वरी पोस्ट

नेपालगञ्ज । रेडियो सफलले आजदेखि एक हप्ते पत्रकारिता तालिम शुरु गरेको छ । डुडुवा गाउँपालिका वडा नम्बर ४ मा सञ्चालित रेडियो सफल ९२.८ मेगाहर्जले रेडियो उद्घोषण तथा आधारभूत पत्रकारिता तालिम शुरु गरेको हो ।

रेडियोका लागि स्थानीय जनशक्ति उत्पादन गर्ने उद्देश्यले सञ्चालित तालिममा २५ जनाको सहभागिता छ । सञ्चार प्रतिष्ठान नेपालद्वारा सञ्चालित रेडियो सफल खासगरी डुडुवा, राप्तीसोनारी र नरैनापुर गाउँपालिकालाई लक्षित गरी शुरु गरिएको हो । ५ सय वाट क्षमताको रेडियो सफल यसअघि रेडियो हिमालको नामले नेपालगञ्जबाट प्रशारण भइरहेको थियो ।

अहिले यसको कल साइन परिवर्तन गरेर रेडियो सफलको नामबाट रेडियो प्रशारण सुरु गरिएको हो । अहिले परीक्षण प्रशारण गरिरहेको रेडियोले फागुन ७ गतेदेखि औपचारिक प्रशारण शुरु गर्नेछ ।

प्रकाशित मिति: आइतबार, फागुन १, २०७८ १९:०४

प्रतिक्रिया दिनुहोस्