बाँकेमा मन्त्रालयको गाडीमा तोडफोड, तीन जना बन्दकर्ता नियन्त्रणमा

स्थानीय

गृहपृष्ठ
स्थानीय
बाँकेमा मन्त्रालयको गाडीमा तोडफोड, तीन जना बन्दकर्ता नियन्त्रणमा

बाँकेमा मन्त्रालयको गाडीमा तोडफोड, तीन जना बन्दकर्ता नियन्त्रणमा

बुधबार, फागुन ४, २०७८ बागेश्वरी पोस्ट

नेपालगञ्ज । बन्दकर्ताले बाँकेमा मन्त्रालयको गाडीमा तोडफोड गरेका छन् । बैजनाथ गाउँपालिकाको बनकटवा चोकमा सुदुरपश्चिम प्रदेशको कृषि मन्त्रालयको गाडीमा बन्दकर्ताले तोडफोड गरेको हुन् ।

आज विहान साढे ५ बजेतिर सुदुरपश्चिम प्रदेश ००१ झ ४०१ नम्बरको कृषि मन्त्रालयको गाडीमा तोडफोड गरेको जिल्ला ट्राफिक प्रहरी कार्यालय बाँकेका प्रमुख प्रहरी निरीक्षक हिमालय शाहले बताए । बाँकेमा नेपाल बन्दको प्रभाव यातायात सेवा र शिक्षण संस्थामा परेको छ । एमसीसीको विरोधमा ६ वटा राजनीतिक दलले गरेको बन्दका कारण यातायात सेवा र शिक्षण संस्था पूर्णरुपमा प्रभावित भएका हुन् । बजारमा पसलहरु भने छिटफुटरुपमा खुलेका छन् । बजार क्षेत्रभित्र मोटरसाइकल चलेका छन् । तर, यातायात सेवा बन्द छ । शिक्षण संस्था पनि ठप्प छन् ।

यसैबीच बन्द गराउँदै हिंडेका तीन जना बन्दकर्ता नेपालगञ्जबाट पक्राउ परेको प्रहरीले जनाएको छ । विभिन्न चोक चोकमा आज बाक्लो मात्रामा प्रहरी परिचालन गरिएको छ । राष्ट्रघाती एमसीसी सम्झौता संसदबाट अनुमोदनको तयारी भइरहेको भन्दै ६ दलीय मोर्चाले आज नेपाल बन्द आह्वान गरेका छन् ।

प्रकाशित मिति: बुधबार, फागुन ४, २०७८ १०:०८

प्रतिक्रिया दिनुहोस्