बाघले अति गर्‍यो, अबिलम्ब कदम चाल्नुस्ः कांग्रेस बाँके क्षेत्र नम्बर १

स्थानीय

गृहपृष्ठ
स्थानीय
बाघले अति गर्‍यो, अबिलम्ब कदम चाल्नुस्ः कांग्रेस बाँके क्षेत्र नम्बर १

बाघले अति गर्‍यो, अबिलम्ब कदम चाल्नुस्ः कांग्रेस बाँके क्षेत्र नम्बर १

आइतबार, फागुन ८, २०७८ बागेश्वरी पोस्ट

नेपालगञ्ज । बाघको आतंकबाट स्थानीयलाई जोगाउनका लागि अबिलम्ब कदम चाल्न नेपाली कांग्रेसले बाँके प्रशासनको ध्यानाकर्षण गराएको छ ।

बाँकेका प्रमुख जिल्ला अधिकारी सूर्यबहादुर खत्रीलाई आज ज्ञापनपत्र बुझाउँदै नेपाली कांग्रेस क्षेत्रीय कार्यसमिति क्षेत्र नम्बर १ बाँकेले नरभक्षी बाघलाई नियन्त्रण लिई तत्काल त्यसको उचित व्यवस्थापन गर्न प्रशासनको गम्भीर ध्यानाकर्षण गराएको छ ।

No description available.

भयरहित वातावरणमा बाँच्न पाउने नागरिक अधिकारको सुनिश्चित गर्न ज्ञापनपत्र मार्फत् बाँके प्रशासनको ध्यानाकर्षण गराइएको छ । ज्ञापनपत्रमा मानव र बन्यजन्तुबीचको द्वन्द न्यूनीकरणको उपाय अपनाउन आग्रह गरिएको छ । क्षेत्र नम्बर १ कांग्रेसले मानवको जिउ भन्दा जनावरको मूल्य कदापी माथि हुन नसक्ने भन्दै मानव र मानव बस्तीको सुरक्षाका लागि विशेष ध्यान दिन आग्रह गरेको छ ।

क्षेत्रीय सभापति पोषण केसीको नेतृत्वमा प्रशासन कार्यालय पुगेको एक टोलीले ज्ञापनपत्र बुझाएको क्षेत्रीय सचिव खुमबहादुर बस्नेतले बताए । ज्ञापनपत्र बुझाइसकेपछि क्षेत्रीय सभापति केसीद्वारा जारी प्रेस विज्ञप्तीमा स्थानीय बासिन्दालाई पनि बाघको आतंकबाट जोगिन सावधानी अपनाउन भनिएको छ ।

विज्ञप्तीमा बाघको आक्रमणबाट ज्यान गुमाएकाहरुप्रति श्रद्धाञ्जली अर्पण गर्दै शोकाकुल परिवारमा समबेदना प्रकट गरिएको छ । साथै घाइतेको शिघ्र स्वास्थ्य लाभको कामना पनि गरिएको छ ।

राप्तीसोनारीमा मात्रै बाघको आक्रमणबाट पाँच जनाले ज्यान गुमाइसकेका छन् । अन्य केही घाइते भएका छन् । शनिवार मात्रै राप्तीसोनारी ६ का ६० बर्षीय धनबहादुर चलाउनेको बाघको आक्रमणबाट मृत्यु भएको छ । आइतबार पनि राप्तीसोनारी-७ का वकिल गद्दी बाघको आक्रमणबाट घाइते भएका छन् ।

नरभक्षी बाघलाई नियन्त्रणमा लिन खटिएको प्राविधिक टोली बाघलाई फेला पार्न नसकेर फर्केपछि बाघले फेरि आफ्नो गतिविधि बढाएको छ ।

No description available.