नेकपामा सहमति नहुँदा संसद बैठक सूचना टासेर स्थगित

राजनीति

गृहपृष्ठ
राजनीति
नेकपामा सहमति नहुँदा संसद बैठक सूचना टासेर स्थगित

नेकपामा सहमति नहुँदा संसद बैठक सूचना टासेर स्थगित

नेकपाभित्र सभामुख छान्न सकस

शुक्रबार, पुस ११, २०७६ बागेश्वरी पोस्ट

संघीय संसद

काठमाडाैं । भावी सभामुखका विषयमा सत्तारूढ नेपाल कम्युनिस्ट पार्टी सहमतिमा पुग्न नसक्दा प्रतिनिधिसभाको आज शुक्रबारका लागि बोलाइएको पुस १६ गते बुधबारसम्मका लागि स्थगित गरिएको छ । आजदेखि सभामुखको चयन प्रक्रिया शुरु गर्न भनेर बोलाइएको बैठक सभामुखको उम्मेदवारमा सहमति जुट्न नसकेपछि प्रतिनिधिसभा बैठक पुस १६ सम्मका लागि स्थगित गरिएको हो ।

नेकपाले निर्णय गर्न नसक्दा शुक्रवार दिउँसो १ बजेका लागि बोलाइएको बैठक सूचना टाँसेर स्थगित गरिएको छ । संघीय संसदका महासचिव मनोहर भट्टराई सूचना टाँस गर्दै ‘विशेष कारणवश’ बैठक स्थगित भएको जनाएका छन् ।

सभामुख चयनमा पूर्वएमाले र पूर्वमाओवादी खेमा आ–आफ्नै अडानमा कायम रहेपछि नेकपा सर्वसम्मत उम्मेदवारको टुंगोमा पुग्न नसकेको हो । सर्वसम्मत उम्मेदवारको टुंगो लाग्न नसकेपछि आजको प्रतिनिधिसभा बैठक सूचना टाँस गरेर पुस १६ गतेसम्मका लागि स्थगित भएको हो ।

सभामुख चयनका लागि उपसभामुख डा. शिवमाया तुम्बाहाम्फेले राजीनामा दिनुपर्ने हुन्छ । तर, तुम्बाहाम्फे आफूलाई सभामुख बनाउने सर्तमा मात्र राजीनामा बुझाउने मनस्थितिमा रहेको स्रोत बताउँछ । यता नेकपा नेतृत्वचाहिँ उपसभामुखको राजीनामा आएपछि मात्र सभामुखको उम्मेदवार घोषणा गर्ने मनस्थितिमा रहेको छ ।

प्रकाशित मिति: शुक्रबार, पुस ११, २०७६ १५:२०

प्रतिक्रिया दिनुहोस्