रुसले युक्रेनमा सेना पठाएपछि स्थिति झनै गम्भीर

विश्व

गृहपृष्ठ
विश्व
रुसले युक्रेनमा सेना पठाएपछि स्थिति झनै गम्भीर

रुसले युक्रेनमा सेना पठाएपछि स्थिति झनै गम्भीर

नेटोको आपतकालीन बैठक

मंगलबार, फागुन १०, २०७८ बागेश्वरी पोस्ट

नेपालगन्ज । रुसले युक्रेनको पूर्वमा रहेका दुई लडाकु समूहद्वारा नियन्त्रित क्षेत्रहरूमा आफ्नो सेना पठाउन आदेश दिएसँगै रुसले सेना पठाएपछि स्थिति झनै गम्भीर बनेको छ ।

रुसविरुद्ध कडा कदम चाल्न नेटोले मङ्गलवार युक्रेनी दूतसँग आपत्कालीन बैठकको घोषणा गरेको छ ।

बेलायतका प्रधानमन्त्री बोरिस जोनसोनले रुसी कम्पनीहरूलाई बेलायतको बजारमा कोष उठाउन रोक्न चाहन्छौँ भन्दै पाँच बैङ्क र तीन रुसी धनाढ्यमाथि प्रतिबन्ध लगाएका छन् । भारतीय नागरिक समेत युक्रेनबाट फिर्ता आउन थालेका छन् । एयर इन्डियाको विमान २४२ भारतीयलाई लिएर कीभ (युक्रेनको राजधानी) बाट दिल्ली उडेको छ ।

युक्रेनबाट अलग गरेर लडाकुहरूले कब्जामा लिएका लुहान्स्क र डोनेट्स्क क्षेत्रलाई रुसले मान्यता दिएसँगै विश्वभर विराधे शुरु भएको छ ।

रुसले यी दुवै क्षेत्रलाई स्वतन्त्र क्षेत्रको रूपमा मान्यता दिँदै यहाँ शान्ति स्थापना गर्ने निहुँमा आफ्ना सेना पठाएको हो ।

रुस विरुद्ध मजबुत र ठुला प्रतिबन्धहरू लगाउन जर्मनी तयार रहेको चान्सलर ओलाफ स्कोल्जले बताएका छन् ।

युक्रेनले मस्को स्थित आफ्ना प्रमुख राजदूतलाई परामर्शका लागि भन्दै फिर्ता बोलाएको छ ।रुसले युक्रेनी सीमामा करिब २ लाख जति सेना र हातहतियार तैनाथ गरेर आक्रमणको तयारीमा रहेको गुप्तचर रिपोर्टहरूले देखाएको छ ।

यसबीच आज मात्रै पूर्वी युक्रेनी क्षेत्रलाई स्वतन्त्र क्षेत्रको मान्यता दिँदै रुसले सेना पठाएपछि स्थिति झनै गम्भीर बनेको छ ।हाम्राकुराबाट

प्रकाशित मिति: मंगलबार, फागुन १०, २०७८ २०:३५