नरैनापुरका प्रमुख प्रशासकीय अधिकृत बस्नेतको बिदाई

स्थानीय

गृहपृष्ठ
स्थानीय
नरैनापुरका प्रमुख प्रशासकीय अधिकृत बस्नेतको बिदाई

नरैनापुरका प्रमुख प्रशासकीय अधिकृत बस्नेतको बिदाई

बुधबार, फागुन ११, २०७८ बागेश्वरी पोस्ट

नरैनापुर(बाँके) । नरैनापुर गाउँपालिकाका प्रमुख प्रशासकीय अधिकृत दलबहादुर बस्नेतको बिदाई गरिएको छ । गाउँपालिका भित्रका सबै बिद्यालयले आज एक कार्यक्रमको आयोजना गरेर बिदाई गरेका हुन् ।

गाउँपालिकाका सयौं मानिसहरुले बस्नेतलाई एक साथ बिदाई गर्दै आगामी दिनका लागि थप सफलताको शुभकामना दिएका थिए । बिदाई कार्यक्रममा लुम्बिनी प्रदेश सांसद कृष्णा केसी नमुना, गाउँपालिकाका कार्यबहाक अध्यक्ष मसुद अहमद शाह, निमित्त प्रमुख प्रशासकीय अधिकृत भरत बस्नेत, शिक्षा शाखा प्रमुख कृष्ण चौधरी, स्वास्थ्य शाखा प्रमुख नागेन्द्र शाह, जिन्सी प्रमुख भरत महतो, लेखापाल प्रकाश अधिकारी, इन्जिनियर प्रविन श्रेष्ठ उपस्थित थिए ।

No description available.

नरैनापुर गाउँपालिकाको विकासमा सहयोग पुर्याएको भन्दै प्रदेश सांसद केसीले बस्नेतलाई धन्यवाद दिएकी थिइन् । बस्नेतले विकट रहेको नरैनापुरलाई विकसित गर्न विशेष भूमिका खेलेको भन्दै केसीले नरैनापुरबासीले उनलाई सधैं सम्झिने बताइन् ।

त्यसक्रममा बस्नेतले नरैनापुरमा हुँदा आफूलाई माया गरेर काम गर्न सघाउने स्थानीय जनता, कार्यपालिका लगायत सबै तह र तप्काका कर्मचारीप्रति आभार प्रकट गर्दै धन्यवाद ज्ञापन गरे । प्रमुख प्रशासकीय अधिकृत दलबहादुर बस्नेत प्रधानमन्त्री कार्यालयमा सरुवा भएका छन् । उनले नरैनापुरमा दुई पटक प्रमुख प्रशासकीय अधिकृत भएर काम गरे ।

साथै कार्यक्रममा निमित्त प्रमुख प्रशासकीय अधिकृत भरत बस्नेतलाई स्वागत समेत गरिएको थियो । बस्नेतलाई गाउँपालिकाका कार्यबहाक अध्यक्ष शाह लगायत जय किसान मावि परिवारका तर्फबाट विद्यालय व्यवस्थापन समिति अध्यक्ष बृजेन्द्रकुमार यादवले स्वागत गर्दै नरैनापुरको विकासमा मद्दत पुग्ने गरी काम गर्न आग्रह गरेका थिए ।

कांग्रेस नेता रामचन्द्र मौर्यले पनि बस्नेतलाई विदाई गर्दै उज्ज्वल भविष्यको शुभकामना व्यक्त गरेका थिए । बस्नेत प्रधानमन्त्रीको कार्यालयमा सरुवा भएर जान लागेका हुन् ।

No description available.