स्वास्थ्यकर्मीहरुले गरे नेपालगन्ज उपमहानगरका प्रमुख प्रशासकीय अधिकृत बस्नेतको स्वागत

स्थानीय

गृहपृष्ठ
स्थानीय
स्वास्थ्यकर्मीहरुले गरे नेपालगन्ज उपमहानगरका प्रमुख प्रशासकीय अधिकृत बस्नेतको स्वागत

स्वास्थ्यकर्मीहरुले गरे नेपालगन्ज उपमहानगरका प्रमुख प्रशासकीय अधिकृत बस्नेतको स्वागत

बुधबार, फागुन ११, २०७८ बागेश्वरी पोस्ट

नेपालगन्ज । नेपालगन्ज उपमहानगरपालिकामा सरुवा भई आएका नयाँ प्रमुख प्रशासकीय अधिकृत जगत बस्नेतलाई स्वास्थ्यकर्मीहरुले स्वागत गरेका छन् ।

नेपालगन्ज उपमहानगरपालिका अन्तर्गतका सबै स्वास्थ्य संस्थामा कार्यरत स्वास्थ्यकर्मीहरुले आज प्रमुख प्रशासकीय अधिकृत बस्नेतलाई स्वागत गरेका हुन् ।

स्वागत कार्यक्रममा बोल्दै प्रमुख प्रशासकीय अधिकृत बस्नेतले नेपालगन्ज उपमहानगरपालिका मातहतका स्वास्थ्यकर्मीहरुले प्रशंसनीय कार्य गरेको बताए । बस्नेतले उपमहानगरपालिका भित्रका सबै स्वास्थ्यकर्मीहरुलाई एक आपसमा हातेमालो गर्दै कार्य गर्न सुझाब समेत दिएका छन् ।

स्वागत कार्यक्रममा बोल्दै जनस्वास्थ्य निरीक्षक टेक बहादुर केसीले स्वास्थ्यकर्मीहरुको पिर-मर्का नयाँ आएका प्रमुख प्रशासकीय अधिकृत बस्नेतले बुझ्नुपर्ने बताए । कार्यालय प्रमुखको सहयोग स्वास्थ्यकर्मीहरुको लागि अपरिहार्य रहेको केसीले बताए ।

साथै मन्त्रालयले अवधि नपुग्दै बारम्बार प्रमुख प्रशासकीय अधिकृतहरुको ४/५ महिना नपुग्दै सरुवा गर्नाले स्वास्थ्य क्षेत्रका धेरै काम प्रभावित हुने केसीले बताए ।

प्रमुख प्रशासकीय अधिकृत बस्नेतको स्वागत कार्यक्रममा नेपालगन्ज स्वास्थ्य चौकी प्रमुख आरती चौधरी, उपमहानगरका (जनस्वास्थ्य निरीक्षक) एबं योजना शाखा प्रमुख जागेश्वर बस्नेत, उपमहानगरपालिकाका जिन्सी शाखा प्रमुख ब्रजभुसण झा लगायत स्वास्थ्यकर्मीहरु र अन्य आयुर्वेदका स्वास्थ्यकर्मीहरुको समेत उपस्थिति रहेको थियो । कार्यक्रमको सन्चालन उपमहानगरपालिका स्वास्थ्यकर्मी तेज वलीले गरेका थिए ।

स्वागत गरिएका बस्नेत सुर्खेतका भेरीगंगा नगरपालिकाबाट सरुवा भएर आएका हुन् । सरुवा भएर नयाँ आएका बस्नेतले जिल्ला प्रशासन कार्यालय बाँकेमा सहायक प्रमुख जिल्ला अधिकारीका रुपमा काम गरिसकेका छन् ।

प्रकाशित मिति: बुधबार, फागुन ११, २०७८ २२:१२

प्रतिक्रिया दिनुहोस्