नेपालगन्जका सडकमा रहेका खाडल पुर्दै बाँके ट्राफिक

स्थानीय

गृहपृष्ठ
स्थानीय
नेपालगन्जका सडकमा रहेका खाडल पुर्दै बाँके ट्राफिक

नेपालगन्जका सडकमा रहेका खाडल पुर्दै बाँके ट्राफिक

शनिबार, फागुन १४, २०७८ बागेश्वरी पोस्ट

नेपालगन्ज । जिल्ला ट्राफिक प्रहरी कार्यालय बाँकेले सडकमा रहेका खाडल पुर्ने कार्य सुरु गरेको छ । जिल्ला ट्राफिक प्रहरी कार्यालय बाँकेले नेपालगन्ज उपमहानगरपालिकाभित्र पर्ने मुख्य सडकमा रहेका ठूला-ठूला खाडलमा माटो हालेर पुर्ने कार्य गरेको छ ।

सडकमा खाडल हुँदा दुर्घटना हुन सक्ने भन्दै जिल्ला ट्राफिक प्रहरी बाँकेले आज सडक डिभिजन कार्यालयको समन्वयमा खाडल पुर्ने कार्य गरेको जिल्ला ट्राफिक प्रहरी बाँके प्रमुख प्रहरी निरीक्षक हिमालय शाहले बताए ।

No description available.

नेपालगन्जका मुख्य सडकहरुमा रहेका खाडलका कारण रातीमा ठूलै दुर्घटना हुन सक्ने कुराको मध्यनजर गर्दै आजदेखि ट्राफिक प्रहरीहरुले आफैं माटो ल्याई खाडल पुर्ने कार्य गरेका हुन् । जनस्तरबाटै खाडलका कारण दुर्घटना निम्तिन सक्ने भन्दै आवाज उठेपछि ट्राफिकले माटो ल्याएर नेपालगन्जका सडकमा रहेका खाडल पुरेको हो ।

No description available.

सामान्यतया ती खाडलहरुलाई पक्की तरिकाले गराउनुपर्ने भएपनि अहिलेलाई दुर्घटना रोक्न अनिवार्य भएको हुँदा अस्थायीरुपले माटो हालेर पुर्ने कार्य गरेको ट्राफिक प्रमुख शाहले बताए । सडक मर्मत कार्य सम्बन्धित निकायको भएपनि जिल्ला ट्राफिक प्रहरी बाँकेले गरेको यो कार्यले पक्कै पनि केही हदसम्म दुर्घटना कम हुनेमा स्थानीय आशावादी भएका छन् ।

No description available.