नेपालगन्जको गणेशपुरमा निर्माण हुँदै गरेको सिद्धिविनायक गणेश मन्दिरलाई सेवा नेपालको आर्थिक सहयोग

स्थानीय

गृहपृष्ठ
स्थानीय
नेपालगन्जको गणेशपुरमा निर्माण हुँदै गरेको सिद्धिविनायक गणेश मन्दिरलाई सेवा नेपालको आर्थिक सहयोग

नेपालगन्जको गणेशपुरमा निर्माण हुँदै गरेको सिद्धिविनायक गणेश मन्दिरलाई सेवा नेपालको आर्थिक सहयोग

मंगलबार, फागुन २४, २०७८ बागेश्वरी पोस्ट

नेपालगन्ज । नेपालगन्ज वडा नम्बर ४ गणेशपुरमा निर्माण भइरहेको सिद्धिविनायक गणेश मन्दिरलाई आर्थिक सहयोग उपलब्ध हुँदै गएको छ ।

नेपालगन्ज वडा नम्बर ४ ले सिद्धिविनायक गणेश मन्दिर निर्माणका लागि १ लाख रुपैयाँ सहयोग गएपनी मन्दिर निर्माणका लागि रकम अपुग भएपछि गणेशपुरका स्थानीयबासी जागेश्वर बस्नेतको आग्रहमा सेवा नेपाल बाँकेकी अध्यक्ष लालुमाया शाहीले आर्थिक सहयोग गरेकी छिन् ।

मन्दिर निर्माण सम्पन्न गर्नका लागि विभिन्न समाजसेवामा कटिबद्ध रहँदै आएको सेवा नेपालकी अध्यक्ष शाहीले ५० हजार रुपैयाँ सहयोग गरेकी छिन् । पहिलो चरणमा २० हजारको चेक हस्तान्तरण गर्दै बाँकी ३० हजार रुपैयाँ बराबरको भौतिक सामाग्री सहयोग गर्ने प्रतिबद्धता व्यक्त गरेकी छिन् । अध्यक्ष शाहीसहित सेवा नेपाल बाँकेका अन्य पदाधिकारीहरुले समेत आर्थिक सहयोग गरेका छन् ।

त्यस्तै श्री सिद्धिविनायक गणेश मन्दिर गणेशपुरकी सदस्य एबम समाजसेवी तारा केसी मन्दिरमा राखिने गणेशको मुर्ति सहयोग गर्ने बताएकी छिन् । मन्दिरमा राखिने गणेशको मुर्तिको आफुले जति रकम लागेपनि सहयोग गर्ने केसीले जानकारी दिएकी छिन् । गणेशपुर निवासी टेक बहादुर केसीले मन्दिरका लागि चाहिने झ्याल, ढोका लगायत ग्रीलका सबै सामाग्री सहयोग गरेका छन् । केसीले मन्दिर निर्माणका लागि चाहिने नदीजन्य पदार्थ समेत सहयोग गर्ने प्रतिबद्धता जाहेर गरेको मन्दिर व्यबस्थापन समितिकी सदस्य केसीले बताइन् ।

मन्दिर निर्माण समितिले आर्थिक सहयोग गर्ने सबैलाई सम्मान गर्दै मन्दिर निर्माणमा धेरै रकम अपुग हुने हुँदा अन्य सहयोगीदाताहरुलाई पनि सहयोग गर्न मन्दिर निर्माणका अध्यक्ष बिनोद केसीले आग्रह गरेका छन् ।

प्रकाशित मिति: मंगलबार, फागुन २४, २०७८ १०:३१

प्रतिक्रिया दिनुहोस्