नेपालगन्जमा गुडिरहेको भारतीय टिपरमा आगलागी, जलेर नष्ट

स्थानीय

गृहपृष्ठ
स्थानीय
नेपालगन्जमा गुडिरहेको भारतीय टिपरमा आगलागी, जलेर नष्ट

नेपालगन्जमा गुडिरहेको भारतीय टिपरमा आगलागी, जलेर नष्ट

शुक्रबार, फागुन २७, २०७८ बागेश्वरी पोस्ट

नेपालगन्ज । नेपालगन्जमा माटो लोड गरेर गुडिरहेको एउटा भारतीय टिपरमा आगलागी भएको छ ।

नेपालगन्ज वडा नम्बर १० को कार्यालय र ट्राफिक चोकको बीचको सडकमा गुडिरहेको KA 29B-3640 नम्बरको भारतीय टिपरमा आज दिउँसो सवा १ बजे आगलागी भएको जिल्ला ट्राफिक कार्यालय बाँकेका प्रमुख प्रहरी निरीक्षक हिमालय शाहले बताए ।

गुडिरहेको टिपरको चालक बस्ने भित्रपट्टि एक्कासी ब्याट्री सर्ट भएर आगलागी हुँदा अगाडिको भाग जलेर पूर्ण रुपमा नष्ट भएको बाँके ट्राफिक प्रमुख शाहले जानकारी दिएका छन् । आगलागी हुने बित्तिकै दमकल आएर आगलागी नियन्त्रण गरेपनि अगाडिको भाग जलेर नष्ट भएको छ । नेपालगन्जको सुख्खा बन्दरगाहको कामको लागि माटो लिएर जाँदै गरेको अवस्थामा आगलागी भएको ट्राफिक प्रमुख शाहले जानकारी दिएका छन् ।

प्रकाशित मिति: शुक्रबार, फागुन २७, २०७८ १४:४३

प्रतिक्रिया दिनुहोस्