सडकबाट मोटरसाइकल ४ सय मिटर तल खस्दा तीन जनाको मृत्यु

समाचार

गृहपृष्ठ
समाचार
सडकबाट मोटरसाइकल ४ सय मिटर तल खस्दा तीन जनाको मृत्यु

सडकबाट मोटरसाइकल ४ सय मिटर तल खस्दा तीन जनाको मृत्यु

शनिबार, फागुन २८, २०७८ बागेश्वरी पोस्ट

नेपालगन्ज । मोटरसाइकल दुर्घटनामा परी एकै परिवारका तीन जनाको मृत्यु भएको छ । चितवनको इच्छाकामना गाउँपालिका २ मा हिजो साँझ मोटरसाइकल सडकबाट ४०० मिटर तल खस्दा तीन जनाको घटनास्थलमै मृत्यु भएको जिल्ला प्रहरी चितवनले जानकारी दिएको छ ।

हिजो साँझ ५ बजे चितवनको इच्छाकामना २ रमाइलोडाँडास्थित भित्री सडकखण्डमा शक्तिखोरतर्फ जाँदै गरेको प्रदेश २-०३-००२ प ५९८६ नम्बरको मोटरसाइकल आफैं अनियन्त्रित भएर सडकबाट ४०० मिटर तल खसेको जिल्ला प्रहरी चितवनले जनाएको छ ।

प्रहरीका अनुसार दुर्घटनामा मृत्यु हुनेमा इच्छाकामना गाउँपालिका २ का ३४ वर्षीय नवीन गुरुङ, सोही वडा नं ३ बस्ने ३० वर्षको प्रतिभा गुरुङ र उनका ५ वर्षका छोरा ५ का आरोन गुरुङ रहेको जिल्ला प्रहरी कार्यालय चितवनले जानकारी दिएको छ ।

प्रकाशित मिति: शनिबार, फागुन २८, २०७८ ०९:२६

प्रतिक्रिया दिनुहोस्