ह्वाट्सएपको ९० लाखको लोभले आफ्नै २९ लाख रुपैयाँ चैट

सुरक्षा-अपराध

गृहपृष्ठ
सुरक्षा-अपराध
ह्वाट्सएपको ९० लाखको लोभले आफ्नै २९ लाख रुपैयाँ चैट

ह्वाट्सएपको ९० लाखको लोभले आफ्नै २९ लाख रुपैयाँ चैट

मंगलबार, चैत १, २०७८ बागेश्वरी पोस्ट

नेपालगन्ज । एकै पटक धेरै पैसा कमाउने लोभमा एक जना व्यक्तिको २९ लाख रुपैयाँ स्वाह: भएको छ । त्यो पनि ती व्यक्तिको रुपैयाँ चिठ्ठा परेको लोभमा फस्दा २९ लाख रुपैयाँ गुमेको हो ।

ह्वाट्सएप प्रयोगकर्ता जोन लरेन्स नामका व्यक्तिले सामाजिक सञ्जालको माध्यमबाट पीडितलाई रु. ९० लाखको चिठ्ठा परेको छ, सुनको सिक्री र दुई लाख पाउण्ड भएको सुटकेस पार्सल पठाएको भन्ने सूचनाका आधारमा लोभिँदा यसरी २९ लाख गुमाउनुपरेको हो ।

उक्त सूचनाको प्रमाण खोज्नेतिर नलागी अरुले भनेको कुरालाई विश्वास गर्दा धेरै मानिस ठगीमा पर्ने गरेका छन् । यो पनि त्यसैको एउटा निरन्तरता हो । विदेशीको नामको ह्वाट्सएपमार्फत् चिठ्ठाको सूचना आए लगत्तै पुनः नेपालबाटै प्रताप राना सिंह नामका व्यक्तिले पीडितलाई ह्वाट्स्एपमार्फत् फोन गरी पार्सल र चिठ्ठा परेको रकम पाउनका लागि कर तिर्नुनपर्ने भनी भ्रामक सूचना दिए ।

पीडितले भने ९० लाख पाउने लोभमा विभिन्न व्यक्तिको नामको बैंक खाताबाट २९ लाख जम्मा गरेपछि ठगीमा परेको पत्ता लागेको प्रहरीले जनाएको छ । यसरी ठगी कार्यमा काभ्रेपलाञ्चोक जिल्लाको मण्डनदेउपुर गाउँपालिका–४ घर भई हाल भक्तपुरको थिमी बस्ने वर्ष ३८ का गम्दीप गौतम रहेको खुल्न आएको महानगरीय अपराध महाशाखाले जनाएको छ । पीडितको जाहेरीका आधारमा उनलाई सोमबार पक्राउ गरी आवश्यक कानुनी कारबाहीका लागि महानगरीय प्रहरी परिसरमा बुझाएको महाशाखाका प्रहरी उपरीक्षक दिनेशकुमार आचार्यले जानकारी दिएको छ ।

प्रकाशित मिति: मंगलबार, चैत १, २०७८ ०९:५८

प्रतिक्रिया दिनुहोस्