कांग्रेस नेतृ रावतले आफ्नो जन्मदिन असहाय बालबालिकासंग मनाइन्

स्थानीय

गृहपृष्ठ
स्थानीय
कांग्रेस नेतृ रावतले आफ्नो जन्मदिन असहाय बालबालिकासंग मनाइन्

कांग्रेस नेतृ रावतले आफ्नो जन्मदिन असहाय बालबालिकासंग मनाइन्

बुधबार, चैत २, २०७८ बागेश्वरी पोस्ट

नेपालगञ्ज । नेपाली कांग्रेसकी एक जना नेतृले आफ्नो जन्मदिन फरक ढंगले मनाएकी छन् । बाँकेको राप्तीसोनारी गाउँपालिका वडा नम्बर ४ की नमिता रावतले असहाय बालबालिकाहरुसंग आफ्नो जन्मदिन मनाएकी हुन् । उनी कांग्रेसकी क्षेत्रीय प्रतिनिधि हुन् ।

राप्तीसोनारी-५ विनौनामा रहेको जय बागेश्वरी असहाय बाल संरक्षण केन्द्रका बालबालिकालाई आफ्नो जन्मदिनको अवसर पारेर होली पर्वको पोशाक, शैक्षिक सामग्री, फलफूल लगायत वितरण गर्दै उनले जन्मदिन मनाएको रावतले बताइन् । अनावश्यक फजुल खर्च गरेर जन्मदिन मनाउनुको साटो आफूले असहाय बालबालिकाहरुलाई केही सहयोग गरेर जन्मदिन मनाएको बताइन् । ।

उनले राप्तीसोनारीमा जय बागेश्वरीले असहाय बालबालिका संरक्षण केन्द्र स्थापना गरेर उत्कष्ट मानव सेवा गरिरहेकाले सहयोग गर्न अन्य सहयोगी मनहरुलाई पनि आह्वान गरेकी छिन् । संस्थाकी अध्यक्ष तारा वलीले रावतले आफ्नो जन्मदिन संस्थाद्वारा संरक्षित बालबालिकाहरुलाई केही सहयोग गरेर मनाइदिँदा हौसला मिलेको बताइन् ।

सामाजिक कार्यमा समेत सक्रिय राउत नेरा आधारभूत विद्यालय सूर्यलालपुरको विद्यालय व्यवस्थापन समितिको अध्यक्ष पनि हुन् ।

No description available. May be an image of 2 people, people standing and outdoors