भीषण आगलागीबाट तामाङ दाजुभाइका तीन घर जले

समाचार

गृहपृष्ठ
समाचार
भीषण आगलागीबाट तामाङ दाजुभाइका तीन घर जले

भीषण आगलागीबाट तामाङ दाजुभाइका तीन घर जले

शनिबार, चैत ५, २०७८ बागेश्वरी पोस्ट

फाइल फोटो

नेपालगन्ज । भीषण आगलागी हुँदा तीन घर जलेर नष्ट भएका छन्। नुवाकोटको ककनी गाँउपालिका वडा नम्बर ३ अचराङमा गए राति भीषण आगलागीबाट मैते तामाङ, बुद्धिमान तामाङ र सागर तामाङको घर जलेर नष्ट भएको जिल्ला प्रहरी कार्यालय नुवाकोटले जनाएको छ।

स्थानीयवासी र ककनीबाट गएको नेपाल प्रहरीको संयुक्त टोलीले आगो नियन्त्रणमा लिए पनि घरमा भएका सामान सबै जलेर नष्ट हुँदा करिव ५० लाख भन्दाबढीको क्षति पुगेको नुवाकोट प्रहरीले जानकारी दिएको छ।

कसरी आगलागी भयो भन्ने कारण यकीन नभए पनि विद्युतीय मिटरबक्सबाट सुरु भएको देखिएकाले विद्युत सर्ट भएर हुनसक्ने प्रहरीको अनुमान छ।

आगलागी पीडित परिवारलाई आज जिल्ला प्रशासन कार्यालयले राहत सामग्री उपलब्ध गराउने प्रमुख जिल्ला अधिकारी नारायणप्रसाद रिसालले जानकारी दिएका छन् । पीडित परिवारका लागि नेपाल रेडक्रस सोसाइटी जिल्ला शाखामार्फत टेन्टसहितका गैरखाद्य राहत सामग्री र नुवाकोट प्रशासनले नगद रुपैयाँ घटनास्थलमा नै पुगेर पीडित परिवारलाई उपलब्ध गराउन लागेको हो। आगलागी बारे थप अनुसन्धान भइरहेको प्रहरीले जनाएको छ।

प्रकाशित मिति: शनिबार, चैत ५, २०७८ ११:३७

प्रतिक्रिया दिनुहोस्