बाँके चेम्बर अफ कमर्सले भन्यो-संरचना हटाउन दुई महिना समय चाहियो

स्थानीय

गृहपृष्ठ
स्थानीय
बाँके चेम्बर अफ कमर्सले भन्यो-संरचना हटाउन दुई महिना समय चाहियो

बाँके चेम्बर अफ कमर्सले भन्यो-संरचना हटाउन दुई महिना समय चाहियो

शनिबार, चैत १२, २०७८ बागेश्वरी पोस्ट

नेपाललगञ्ज । बाँके चेम्बर अफ कमर्सले नेपालगञ्ज-कोहलपुर सडकखण्डमा अतिक्रमित गरी बनाइएका संरचना हटाउने कार्यप्रति आफ्नो गम्भीर ध्यानाकर्षण भएको जनाएको छ । उसले संरचना भत्काउन कम्तीमा दुई महिनाको समय सीमा अवधि थप गरेर सहज वातावरण सिर्जना गर्न माग गरेको छ ।

बाँके चेम्बर अफ कमर्सका अध्यक्ष सतिस कुमार अग्रवालको नेतृत्वमा पुगेको एक टोलीले आज प्रमुख जिल्ला अधिकारी सूर्य बहादुर खत्रीलाई ध्यानाकर्षण पत्र बुझाउँदै कोभिड संक्रमणले बजार, व्यवसाय धराशायी भएको अवस्थामा सडक विभागले नेपालगञ्ज-कोहलपुर सडकखण्ड अन्तर्गत् विभिन्न स्थानहरुमा निर्माण गरिएका संरचना हटाउने प्रक्रिया थालनी गर्दा पूर्ववत तयारी र आवश्यक प्रक्रिया नअपनाइनुले विषम् परिस्थिति सिर्जना भएको जनाएको छ ।

बाँके चेम्बर अफ कमर्सले सडक विभागले सम्बन्धित क्षेत्रहरुमा मार्किंग गर्नुपर्ने, सरोकारवाला घरधनीहरुलाई उचित समयावधिको सूचना दिनुपर्ने आदि सर्वमान्य सिद्धान्त विपरीत गरिएको डोजर प्रयोगको विरोध गरेको छ ।

No description available.