नरैनापुर गाउँपालिका साक्षर घोषणा

स्थानीय

गृहपृष्ठ
स्थानीय
नरैनापुर गाउँपालिका साक्षर घोषणा

नरैनापुर गाउँपालिका साक्षर घोषणा

सोमबार, चैत १४, २०७८ बागेश्वरी पोस्ट

नरैनापुर(बाँके) । नरैनापुर गाउँपालिका साक्षर घोषणा भएको छ । वडा नम्बर ५ मटेहियास्थित महेन्द्र माविमा आयोजित एक कार्यक्रमका बीच आज गाउँपालिकालाई साक्षर घोषणा गरिएको हो ।

No description available.

अध्यक्ष इस्तियाक अहमद शाहको अध्यक्षतामा भएको कार्यक्रममा जिल्ला समन्वय समिति बाँकेका प्रमुख अजय कुमार श्रीवास्तबले नरैनापुर गाउँपालिकालाई साक्षर घोषणा गरेका हुन् । निरक्षर मध्ये ९६.१९ प्रतिशत मानिस साक्षर भएपछि गाउँपालिकालाई साक्षर घोषणा गरिएको शिक्षा शाखा प्रमुख कृष्णकुमार थारुले बताए ।

No description available.

नरैनापुरले आफ्ना ९ हजार १ सय ७५ निरक्षर नागरिकलाई साक्षर बनाउन २०७८ भदौ २४ गतेदेखि साक्षर अभियान थालेको थियो । यी मध्ये ८ हजार ८ सय २६ जना साक्षर भएपछि गाउँपालिकालाई साक्षर घोषणा गरिएको हो । नरैनापुर बाँकेको छैठौं साक्षर पालिका बनेको छ । अब नेपालगञ्ज र डुडुवा साक्षर घोषणा हुन बाँकी छन् ।

No description available.

गाउँपालिकालाई साक्षर घोषणा गर्ने कार्यक्रमलाई जिल्ला समन्वय समिति प्रमुख श्रीवास्तब, गाउँपालिका अध्यक्ष शाह, शिक्षा विकास तथा समन्वय इकाई बाँकेका प्रमुख रामसुरेश यादव, गाउँपालिकाका प्रमुख प्रशासकीय अधिकृत भरत बस्नेत, वडा नम्बर ३ का अध्यक्ष राजकुमार मौर्य, एमाले नेता सोहनलाल यादव लगायतले सम्बोधन गरेका थिए । घोषणा कार्यक्रममा साक्षर अभियानलाई सघाउने विभिन्न व्यक्ति, संघसंस्था, पत्रकार लगायतलाई सम्मानपत्र र मायाको चिनो प्रदान गरिएको थियो ।

No description available.