खानेपानी गुणस्तर तथा सेवा प्रणाली ब्यबस्थापन सम्बन्धि अभिमुखीकरण सम्पन्न

स्थानीय

गृहपृष्ठ
स्थानीय
खानेपानी गुणस्तर तथा सेवा प्रणाली ब्यबस्थापन सम्बन्धि अभिमुखीकरण सम्पन्न

खानेपानी गुणस्तर तथा सेवा प्रणाली ब्यबस्थापन सम्बन्धि अभिमुखीकरण सम्पन्न

मंगलबार, चैत १५, २०७८ बागेश्वरी पोस्ट

नेपालगञ्ज । संघीय खानेपानी तथा ढल ब्यवस्थापन आयोजना नेपालगञ्जले कोहलपुरमा 'खानेपानी गुणस्तर तथा सेवा प्रणाली ब्यबस्थापन' सम्बन्धि दुई दिने अभिमुखीकरण तालिम सम्पन्न गरेको छ ।

बाँके र बर्दिया जिल्लाका विभिन्न उपभोक्ता समिति, सरोकारवालाको उपस्थितिमा पानीको गुणस्तर, गुणस्तरयुक्त पानीको पहुँचमा जनतालाई कसरी पुर्याउनेबारे पनि छलफल भएको थियो । कार्यक्रममा कार्यालयका इन्जिनियर सञ्जीव मोक्तान र आयोजना प्रमुख मनिष कुमार राजले कार्यलयसंग सम्बन्धित गुणस्तरीय खानेपानीका कार्यालयको पहल, उपलब्धिबारे जानकारी दिनुका साथै केमिस्ट रबिकिरण आचार्यले पानीको बिभिन्न पारामितीको सीमा, असर र पानी परीक्षण बिधिबारे प्रकाश पारेका थिए ।

कार्यक्रममा बोल्दै बाँकेका प्रमुख जिल्ला अधिकारी सूर्य बहादुर खत्रीले स्वच्छ खानेपानीलाई संविधानमा मौलिक हकको रुपमा प्रत्याभूत गरेकाले आम उपभोक्ता गुणस्तरयुक्त खानेपानीको पहुँचमा हुनुपर्ने बताए । यसका लागि सरोकारवालाले ध्यान दिन जरुरी समेत रहेको उनले बताए ।

कार्यक्रम संघीय खानेपानी तथा ढल ब्यवस्थापन आयोजना नेपालगञ्जका आयोजना प्रमुख मनिष कुमार राजको अध्यक्षता एवं बाँकेका प्रमुख जिल्ला अधिकारी खत्रीको प्रमुख आतिथ्यता र खानेपानी तथा सरसफाई उपभोक्त महासंघका केन्द्रीय सदस्य नर बहादुर मल्लको बिशिस्ट आतिथ्यतामा सम्पन्न भएको थियो । कार्यक्रममा सहभागीको तर्फबाट भुरीगाउँ खानेपानीका उपाध्यक्ष चन्द्रमणि पौडेल, चिसापानी खानेपानीकी कञ्चन गौतम लगायतले आफ्नो धारणा राखेका थिए ।

दुई दिनसम्म संचालित उक्त तालिमको सहजीकरण कार्यालयका असिस्टेन्ट केमिस्ट गोपाल रेग्मी गरेको कार्यालयका लेखा प्रमुख भुबनेश्वर रिजालले जानकारी दिए ।

No description available.