स्कुल जाँदै गरेका दुई बहिनीको टिपरको ठक्करबाट मृत्यु

सुरक्षा-अपराध

गृहपृष्ठ
सुरक्षा-अपराध
स्कुल जाँदै गरेका दुई बहिनीको टिपरको ठक्करबाट मृत्यु

स्कुल जाँदै गरेका दुई बहिनीको टिपरको ठक्करबाट मृत्यु

बुधबार, चैत १६, २०७८ बागेश्वरी पोस्ट

नेपालगन्ज । टिपरको ठक्करबाट दुई स्कुले बालिकाहरुको मृत्यु भएको छ। स्कुल जादै गरेका सहोदर दुई बहिनीलाई आज बिहान टिपरले ठक्कर दिदा घटनास्थलमै मृत्यु भएको हो।

आज बिहान साढे ८ बजे गोकर्णेश्वर नगरपालिका १ सुन्दरीजलस्थित मेलम्ची चोकमा मोटरसाइकलमा स्थानीय वर्ल्ड युथ इन्टरनेसनल स्कुल जाँदै गरेका सृष्टि घिसिङ र श्रेया घिसिङको टिपरको ठक्करबाट मृत्यु भएको महानगरीय प्रहरी वृत्त बौद्धले जनाएको छ ।

आफ्ना छोरीहरुलाई स्कुल लैजादै गरेका स्थानीय रोहन घिसिङको मोटरसाइकललाई बा ४ ख ६९६५ नम्बरको टिपरले ठक्कर दिदा उनका दुबैजना छोरीहरुको घटनास्थलमै मृत्यु भएको बौद्ध प्रहरीले जानकारी दिएको छ।

टिपरको ठक्करबाट मृतक बालिकाका बाबू रोहन समेत गम्भीर घाइते भएका छन् । उनको नेपाल मेडिकल कलेज जोरपाटीमा उपचार भइरहेको प्रहरीले जनाएको छ। उक्त टिपरले ब्याक गरेर दुबै बालिकाहरुलाई किचेको स्थानीयहरुले बताएका छन् । ठक्कर दिने टिपर र चालकलाई प्रहरीले नियन्त्रणमा लिएर अनुसन्धान अघि बढाएको जनाएको छ।

प्रकाशित मिति: बुधबार, चैत १६, २०७८ १२:२०