नेपालगन्ज १८ मा प्रशान्त बिष्टले गरे रक्तदान, वडामा 'सानु'लाई जिताउन अपिल

स्थानीय

गृहपृष्ठ
स्थानीय
नेपालगन्ज १८ मा प्रशान्त बिष्टले गरे रक्तदान, वडामा 'सानु'लाई जिताउन अपिल

नेपालगन्ज १८ मा प्रशान्त बिष्टले गरे रक्तदान, वडामा 'सानु'लाई जिताउन अपिल

शनिबार, वैशाख १७, २०७९ बागेश्वरी पोस्ट

नेपालगन्ज । नेपाली कांग्रेस नेपालगन्ज वडा नम्बर १८ द्वारा आयोजित खुल्ला रक्तदान कार्यक्रममा नेपालगन्जका मेयरका उम्मेदवार प्रशान्त बिष्टले आज बिहान रक्तदान गरेका छन् ।

अप्ठ्यारोमा परेकाको लागि गरिएको रक्तदान कार्यक्रममा मेयरका उम्मेदवार बिष्टले कसैको जिन्दगी बचाउनका गरिएको रक्तदान अमुल्य हुने बताए। सबैले ३-३ महिनामा रक्तदान गर्नु राम्रो हुने उनले बताए। अस्पतालमा बिरामीले रगत नपाएर दुख खेप्न नपरोस् भन्ने उदेश्यका सबैले रक्तदान गर्नु जरुरी रहेको उनले बताए। मेयरका उम्मेदवार बिष्टले नेपालगन्ज वडा नम्बर १८ मा कांग्रेसबाट अध्यक्षका उम्मेदवार 'सानु'' सहित सबै उम्मेदवारलाई विजयी बनाउन आह्वान समेत गरेका छन् ।

कार्यक्रममा बोल्दै बाँके कांग्रेस उपसभापति गोपाल अधिकारीले वडा नम्बर १८ मा अब कांग्रेस जनताको सुखदुःखको साथी बन्ने बताए। वडाको समग्र बिकासका लागि सबै उम्मेदवारहरुलाई विजयी बनाउन अनुरोध गरेका छन् ।

त्यस्तै वडा नम्बर १८ का अध्यक्षका उम्मेदवार मंगलप्रसाद बर्मा ( कुर्मी) 'सानु' ले रक्तदान गर्नु स्वास्थ्यका लागि फाइदा जनकसमेत रहेको बताए। रक्तदानले कसैको जिन्दगी बचाउने हुँदा रक्तदान गर्न कसैले कन्जुस्याइँ नगर्न अपिल गर्दै वडा नम्बर १८ मा अब कांग्रेसको आबश्यकता रहेको हुँदा कांग्रेसका सबै उम्मेदवारहरुलाई विजयी बनाउन अनुरोध गरेका छन् ।

मेयरका उम्मेदवार बिष्टसँगै वडा नम्बर १८ का अध्यक्षका उम्मेदवार 'सानु' ,सदस्यका उम्मेदवार केशु पोखरेल लगायत ५० बढीले रक्तदान गरेका छन् ।

कांग्रेस वडा नम्बर १८ द्वारा गरिएको खुल्ला रक्तदान कार्यक्रममा अन्य पार्टीबाट नेपाली कांग्रेसमा प्रवेश गरेका छन् । कांग्रेस नै अब उपयुक्त पार्टी भन्दै उनीहरुले कांग्रेसमा प्रवेश गरेका हुन् ।

प्रकाशित मिति: शनिबार, वैशाख १७, २०७९ १६:००

प्रतिक्रिया दिनुहोस्