नेपालगञ्जका निजी विद्यालयलाई माथि उठाउने गरी कार्य गर्छु :प्रशान्त बिष्ट

स्थानीय

गृहपृष्ठ
स्थानीय
नेपालगञ्जका निजी विद्यालयलाई माथि उठाउने गरी कार्य गर्छु :प्रशान्त बिष्ट

नेपालगञ्जका निजी विद्यालयलाई माथि उठाउने गरी कार्य गर्छु :प्रशान्त बिष्ट

शनिबार, वैशाख १७, २०७९ बागेश्वरी पोस्ट

नेपालगञ्ज । नेपाली कांग्रेसको तर्फबाट नेपालगञ्ज उपमहानगरपालिकाको मेयरका उम्मेदवार प्रशान्त विष्टले नेपालगञ्जलाई शैक्षिक हबका रुपमा विकास गरिने बताएका छन् ।

निजी विद्यालयहरुको छाता संगठन प्याब्सन नेपालगञ्जले आयोजना गरेको कार्यक्रममा मेयर पदका उम्मेदवार विष्टले आफूले जिते नेपालगञ्जलाई शैक्षिक हबका रुपमा विकास गर्ने बताए । उनले शिक्षालाई प्राथमिकतामा राखेर काम गर्ने बताउँदै निजी विद्यालयहरुलाई माथि उठाउने गरी काम गर्ने बताए । निजी विद्यालयहरुसंग हातेमालो गरेर अघि बढ्ने प्रतिबद्धता विष्टले जनाए ।

जनता समाजवादी पार्टीबाट उपमेयरका उम्मेदवार कमरुद्दिन राईले निजी विद्यालयहरुसंग सल्लाह, छलफल गरेर समस्या समाधान र सुधारका लागि काम गर्ने बताए । वडा नम्बर १८ का अध्यक्षका उम्मेदवार राजन राना मगरले आफू निर्वाचित भए शैक्षिक क्षेत्रमा उल्लेख्य काम गर्ने प्रतिबद्धता जनाए ।

प्याब्सन नेपालगञ्जका अध्यक्ष विकास बज्राचार्यको सभापतित्वमा कार्यक्रम सम्पन्न भएको थियो । नेपालगञ्जमा सत्तारुद्ध दलहरुबीच मेयर र उपमेयरमा चुनावी गठबन्धन छ ।

प्रकाशित मिति: शनिबार, वैशाख १७, २०७९ १६:२६

प्रतिक्रिया दिनुहोस्