शहिद परिवारबाट आर्शिवाद लिँदै कोहलपुरमा काँग्रेसको घरदैलो सुरु

स्थानीय

गृहपृष्ठ
स्थानीय
शहिद परिवारबाट आर्शिवाद लिँदै कोहलपुरमा काँग्रेसको घरदैलो सुरु

शहिद परिवारबाट आर्शिवाद लिँदै कोहलपुरमा काँग्रेसको घरदैलो सुरु

शनिबार, वैशाख १७, २०७९ बागेश्वरी पोस्ट

नेपालगन्ज । नेपाली काँग्रेस कोहलपुरले आजदेखि चुनावी घरदैलो सुरु गरेको छ । कोहलपुर नगरपालिका—१२ चप्परगौडीस्थित शहिद परिवारको घरबाट घरदैलो अभियान सुरु गरिएको हो ।

शहिद परिवारका अभिभावक कुलबहादुर खत्रीले मेयर पदका उम्मेदवार पूर्णप्रसाद आचार्य, उपमेयर पदका उम्मेदवार संगीता सुवेदी, वडा अध्यक्ष पदका उम्मेदवार वीरेन्द्र कुमार शाह लगायतलाई खादा लगाएर खत्रीले विजयीको शुभकामना दिएका थिए ।

सशस्त्र द्वन्दकालमा आफन्त गुमाएका र विस्थापित भएका परिवारका तर्फबाट खत्रीले शुभकामना दिएका थिए । खत्रीको शुभेच्छा र शुभकामनासहित घरघरमा पुगेका उम्मेदवारहरुले कोहलपुरको समग्र विकास लागि आफूहरु योजनाबद्ध तरिकाबाट अघि बढ्ने भन्दै नमुना कोहलपुर बनाउन काँग्रेसलाई एकपटक जिताउन अपिल गरेका थिए । स्थानीय मतदाताहरुले पनि नमुना कोहलपुर बनाउन युवाहरुको विकल्प नभएको भन्दै यसपाली व्यक्ति हेरेर मत दिने विश्वास दिलाएका थिए ।

उनीहरुले अघिल्लो निर्वाचनमा मत दिएर जिताएका जनप्रतिनिधिले आफ्नो बस्तीको विकासका लागि प्रभावकारी काम नगरेको भन्दै अव योजनासहित अगाडि बढ्ने र युवा पुस्तालाई मत दिने विश्वास दिलाए । घरदैलो अभियानमा जिल्ला सभापति नारायणप्रसाद गौडेल, पार्टीका पूर्व उपसभापति तथा महासमिति सदस्य फुलाराम थारु, महासमिति सदस्य द्रोपती वली लगायत सहभागी भएका थिए । कोहलपुर नगरपालिकाका १५ वटै वडामा आजदेखि औपचारिकरुपमा घरदैलो अभियान सुरु भएको हो ।

प्रकाशित मिति: शनिबार, वैशाख १७, २०७९ १७:३८

प्रतिक्रिया दिनुहोस्