नेपालगन्ज १८ का हरेक टोलमा कांग्रेसका 'सानु' कै चर्चा

स्थानीय

गृहपृष्ठ
स्थानीय
नेपालगन्ज १८ का हरेक टोलमा कांग्रेसका 'सानु' कै चर्चा

नेपालगन्ज १८ का हरेक टोलमा कांग्रेसका 'सानु' कै चर्चा

आइतबार, वैशाख १८, २०७९ बागेश्वरी पोस्ट

नेपालगन्ज । नेपाली कांग्रेसका तर्फबाट नेपालगन्ज उपमहानगरपालिका वडा नम्बर १८ का अध्यक्षका उम्मेदवार मंगलप्रसाद बर्मा ( कुर्मी) 'सानु' सहितको उम्मेदवारहरुको टोलीले घरदैलो अभियान तिब्र पारेको छ ।

अध्यक्षका उम्मेदवार 'सानु' सहित उम्मेदवारहरुको टोलीले आज वडा नम्बर १८ को नागरिक टोल, भगवती टोल लगायत विभिन्न टोलका मतादाताहरुसंग भेटघाट गरेको छ । कार्यक्रममा स्थानीयबासीहरुको मागलाई सम्बोधन गर्दै अध्यक्ष पदका उम्मेदवार 'सानु' ले अति आवश्यक शिक्षा, स्वास्थ्य, बाटोघाटो र बिजुली जस्ता पूर्वाधारको विकास गर्ने बताए ।

'सानु' ले स्थानीयका समस्या समाधानका लागि निरन्तर लागि पर्ने प्रतिबद्धता व्यक्त गरेका छन् । मतदाताहरुसंगको भेटघाट कार्यक्रममा वडाअध्यक्ष पदका उम्मेदवार 'सानु' ले आफू विजयी भएपश्चात स्थानीयको समस्यालाई जति सक्यो छिटो हल गरी विकासको गति बढाउने बताए ।

घरदैलोका क्रममा आफ्नो घर आँगनमा बिकास नगरिएको हुँदा अब अध्यक्षमा 'सानु' सहित सबै कांग्रेसका उम्मेदवारहरुलाई विजयी बनाउँदै बिकास हुनेमा ढुक्क भएको स्थानीयहरुले बताए । वडा नम्बर १८ मा हरेक टोलमा हरेक गल्लीमा केबल 'सानु' को नै चर्चा रहेको बताइन्छ ।

घरदैलो अभियानमा सदस्यका उम्मेदवारहरु राम बहादुर भण्डारी, केशु पोखरेल, सरोज खटिक, राम प्रकाश मौर्य लगायतका नेता कार्यकर्ता खटिएका छन् ।

प्रकाशित मिति: आइतबार, वैशाख १८, २०७९ १८:४१

प्रतिक्रिया दिनुहोस्