नेपालगन्ज १ को वडा अध्यक्षमा यसपाली दाईलाई ल्याउने चर्चा

स्थानीय

गृहपृष्ठ
स्थानीय
नेपालगन्ज १ को वडा अध्यक्षमा यसपाली दाईलाई ल्याउने चर्चा

नेपालगन्ज १ को वडा अध्यक्षमा यसपाली दाईलाई ल्याउने चर्चा

आइतबार, वैशाख १८, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकाको वडा नम्बर १ मा कांग्रेसबाट अध्यक्षका उम्मेदवार बिनोद रिजालले घरदैलो अभियानलाई तिब्र पारेका छन् ।

अध्यक्षका उम्मेदवार रिजालले स्थानीय बासीहरुको मागलाई सम्बोधन गर्दै अति आवश्यक शिक्षा, स्वास्थ्य, बाटोघाटो र बिजुली जस्ता पूर्वाधारको विकास गर्ने बताए ।

रिजालले स्थानीयका समस्या समाधानका लागि निरन्तर लागि पर्ने प्रतिबद्धता व्यक्त गरेका छन् । मतदाताहरुसंगको भेटघाट कार्यक्रममा वडाअध्यक्ष पदका उम्मेदवार रिजालले आफू विजयी भएपश्चात हाल बैंकबाट वितरण भइरहेको सामाजिक सुरक्षा भत्ता लिनको लागि बृद्धबृद्धा घन्टौं लाइन लाग्ने समस्यालाई सम्बन्धित बैंकसँग सहकार्य गरी वडाबाटै उपलब्ध गराउने प्रतिबद्धता व्यक्त गरेका छन् । त्यस्तै उनले स्थानीयका हरेक समस्यालाई जति सक्यो छिटो हल गरी विकासको गति बढाउने बताए ।

घरदैलो अभियानमा यसअघि भाईलाई अब भने दाईलाई मत दिएर विजयी बनाउने नारा स्थानीयवासीहरुले लगाएका थिए । अहिले नेपालगन्ज वडा नम्बर १ मा रिजालका आफ्नै भाई प्रमोद रिजाल एमालेबाट अध्यक्ष पदमा उम्मेदवार हुन् ।

घरदैलो अभियानमा सदस्यका उम्मेदवारहरु जग मोहन कादु, इन्द्र राना, पुष्पासिंह शाह, सीता नेपाली सहित नेपाली कांग्रेस बाँकेका कोषाध्यक्ष यज्ञ बहादुर बस्नेत, वडा नम्बर १ कांग्रेस सभापति सीता काफ्ले लगायतका नेता कार्यकर्ता खटिएका छन् ।

प्रकाशित मिति: आइतबार, वैशाख १८, २०७९ १९:२३

प्रतिक्रिया दिनुहोस्