मेरो पहिलो काम सुकुम्बासी समस्या समाधानबाट सुरु हुनेछ: प्रकाश शाही

स्थानीय

गृहपृष्ठ
स्थानीय
मेरो पहिलो काम सुकुम्बासी समस्या समाधानबाट सुरु हुनेछ: प्रकाश शाही

मेरो पहिलो काम सुकुम्बासी समस्या समाधानबाट सुरु हुनेछ: प्रकाश शाही

आइतबार, वैशाख १८, २०७९ बागेश्वरी पोस्ट

नेपालगन्ज । नेपाली कांग्रेसबाट बैजनाथ गाँउपालिकाका अध्यक्षका उम्मेदवार प्रकाश बहादुर शाहीले गाउँपालिका अध्यक्षमा बिजयी भए सवैभन्दा पहिलो काम सुकुम्बासी समस्या समाधान गरी लालपूर्जा वितरण गर्ने बताए ।

बैजनाथ ७ पेरारीमा घरदैलो अभियानका क्रममा अध्यक्षका उम्मेदवार शाहीले प्रधानमन्त्री शेर बहादुर देउवाले भूमी आयोग गठन गरी जिल्लामा सुकुम्बासीलाई लालपूर्जा वितरण गर्न निर्देशन गरेपनि बैजनाथका सुकुम्बासीलाई लालपूर्जा पाउनबाट एमालेले बञ्चित गरेको बताएका छन् ।

शाहीले भने, ‘बैजनाथमा अहिले एमालेले पालिका जितेको छ । हामीले पटक पटक पालिका अध्यक्ष मान बहादुर रुचालललाई चाँडो भन्दा चाँडो पालिकामा भएका सुकुम्बासीको लगत संकलन गरी भूमी आयोगलाई बुझाउन आग्रह गर्यौं तर उहाँले काम गर्नुभएन ।'

रुचालले प्रधानमन्त्री देउवाको पालामा सुकुम्बासीले लालपूर्जा पाएमा स्थानीय सरकार कांग्रेसले जित्छ भन्ने भयका कारण पालिकाका सुकम्बासीलाई जग्गा पाउनबाट बञ्चित गरेको दावी गरे ।

कांग्रेसले जित्छ भनेर पालिका अध्यक्ष रुचालले पूर्वाग्रही तवरले लालपूर्जा वितरणमा ढिलासुस्ती गरी सुकुम्बासी तथा भूमीहिनलाई लालपूर्जा पाउनबाट बञ्चित गरेको उपाध्यक्षकी उम्मेदवार निर्मला रोकायले बताइन् ।

यसैबीच नेपाली कांग्रेस बैजनाथ गाउँपालिकाकी उपाध्यक्षकी उम्मेदवार निर्मला रोकायले श्रमिक महिलाहरुलाई राज्यले बेवास्ता गरेको बताएकी छिन् ।

आज बैजनाथ ७ पेरारीमा गरिएको घरदैलो कार्यक्रमलाई सम्बोधन गर्दै रोकायले पालिकाका श्रमिक महिलाका लागि विशेष राहत योजना ल्याउने बताइन् ।

प्रकाशित मिति: आइतबार, वैशाख १८, २०७९ २०:०९

प्रतिक्रिया दिनुहोस्