नेपालगन्ज वडा नं ४ मा कांग्रेस जबर्जस्त ढंगले अगाडि

स्थानीय

गृहपृष्ठ
स्थानीय
नेपालगन्ज वडा नं ४ मा कांग्रेस जबर्जस्त ढंगले अगाडि

नेपालगन्ज वडा नं ४ मा कांग्रेस जबर्जस्त ढंगले अगाडि

आइतबार, वैशाख १८, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्बर ४ मा नेपाली काँग्रेस जबर्जस्त ढंगले अगाडि देखिएको छ । कांग्रेसका उम्मेदवारहरुको दैनिक घरदैलो र चिरपरिचित अध्यक्ष पदका उम्मेदवार प्रदिप शाह (तेली) सहित सदस्य पदका जबर्जस्त उम्मेदवारहरुका कारण कांग्रेस वडा नम्बर ४ मा बलियो देखिएको छ ।

कांग्रेसका उम्मेदवारहरुले वडा नम्बर ४ भित्रका विभिन्न टोलीमा घरदैलो गर्दै आइरहेका छन् । घरदैलोका क्रममा मतदाताहरुले कांग्रेसलाई साथ दिने बताएपछि उत्साह पैदा भएको छ ।

घरदैलोका क्रममा अध्यक्ष पदका उम्मेदवार शाहले वडा नम्बर ४ मा स्वास्थ्य र शिक्षा सबैभन्दा पहिलो प्राथमिकता रहेको बताएपछि मतदाताहरुले खुशी व्यक्त गरेका थिए । त्यहाँका स्थानीयले पनि अबको वडा अध्यक्षमा शाह भन्दै चौतर्फी चर्चा गरिरहेका छन् ।

घरदैलोमा नेपाली काँग्रेसका नेता तथा कार्यकर्ता, शुभचिन्तक, स्थानीयहरुहको उत्साहजनक सहभागिता रहेको थियो । घरदैलोको क्रममा स्थानीयहरुले कांग्रेसका उम्मेदवारहरुलाई 'राम्रो रेस्पोन्स' दिएको अध्यक्षका उम्मेदवार शाहले बताए ।

नेपालगन्ज वडा नम्बर ४ मा अध्यक्षका उम्मेदवारमा शाहसहित सदस्यमा अश्मिता शाह महतरा, मो. सलिम मुसलमान, उत्तम सिंह सिजापति र सुशिला कोरी उम्मेदवार रहेका छन् ।

प्रकाशित मिति: आइतबार, वैशाख १८, २०७९ २१:४८

प्रतिक्रिया दिनुहोस्