काठमाडौंमा बिहानैदेखि वर्षा

समाचार

गृहपृष्ठ
समाचार
काठमाडौंमा बिहानैदेखि वर्षा

काठमाडौंमा बिहानैदेखि वर्षा

सोमबार, वैशाख १९, २०७९ बागेश्वरी पोस्ट

नेपालगन्ज । काठमाडौंमा बिहानैदेखि वर्षा भएको छ । स्थानीय वायुसँगै पश्चिमी वायु र भारतको उत्तर प्रदेशदेखि पश्चिम बङ्गालको समथर भू–भागसम्म बनेको न्यून चापीय प्रणालीको प्रभावका कारण देशका अधिकांश ठाउँमा वर्षा भइरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

अहिले काठमाडौंसहित पहाडी क्षेत्रका एक/दुई ठाउँमा मेघगर्जन र चट्याङ्गसहित हल्का पानी परिरहेको मौसमविद् प्रतिभा मानन्धरले जानकारी दिइन् । आज र भोलि देशका धेरै ठाउँमा हल्कादेखि मध्यम वर्षा हुने सम्भावना रहेको पनि उनले बताइन् ।

आज प्रदेश १, मधेस प्रदेश, बागमती, गण्डकी र लुम्बिनी प्रदेशको मौसम सामान्य बदली रही कर्णाली र सुदूरपश्चिममा आंशिकदेखि सामान्य बदली रहने र प्रदेश १, मधेश प्रदेश र गण्डकी प्रदेशका केही स्थानमा र बागमती, लुम्बिनी, कर्णाली र सुदूरपश्चिमका अधिकांश स्थानमा मेघगर्जन र चट्याङ्गसहित वर्षा हुने महाशाखाले जनाएको छ ।

प्रकाशित मिति: सोमबार, वैशाख १९, २०७९ ०९:२३

प्रतिक्रिया दिनुहोस्