राप्तीसोनारीमा काँग्रेस उम्मेदवार प्रतिबद्धतापत्रसहित घरघरमा

स्थानीय

गृहपृष्ठ
स्थानीय
राप्तीसोनारीमा काँग्रेस उम्मेदवार प्रतिबद्धतापत्रसहित घरघरमा

राप्तीसोनारीमा काँग्रेस उम्मेदवार प्रतिबद्धतापत्रसहित घरघरमा

सोमबार, वैशाख १९, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा काँग्रेसको चुनावी प्रचारप्रसार अभियान तीब्र बनेको छ । काँग्रेसबाट गाउँपालिकाका अध्यक्ष पदका उम्मेदवार तप्त पौडेल र उपाध्यक्ष पदका उम्मेदवार मनिषासिंह थारुसहितको काँग्रेस टोली आज विहानैदेखि घरदैलोमा निस्किएको छ ।

राप्तीसोनारी गाउँपालिका वडा नं.२ मदुई र वडा नं. ५ बिनौनामा घरदैलो अभियान चलिरहेको छ । घरदैलोमा वडा अध्यक्ष र वडा सदस्य पदका उम्मेदवारहरु पनि सहभागी छन् । राप्तीसोनारी गाउँपालिकाका उपाध्यक्ष धनीकुमारी खत्री लगायत नेता तथा कार्यकर्तासहित उम्मेदवारहरु घरदैलोमा पुग्दा मतदाताहरु उत्साहित देखिएका छन् ।

मतदाताहरुले आफ्नो समस्याहरु सुनाउने गरेका छन् भने उम्मेदवारहरुले ती समस्या सम्वोधनको प्रतिबद्धता जनाउने गरेका छन् । आफूहरु प्रतिबद्धतापत्रसहित घरघरमा आएकाले प्रतिबद्धतापत्रकै आधारमा पालिकाको विकास गरिने उम्मेदवाहरुको प्रतिबद्धता छ । राप्तीसोनारी गाउँपालिकाका सबै वडामा घरदैलो कार्यक्रम भइरहेको छ ।

विहानैदेखि ९ वटै वडामा वडास्तरीय घरदैलो अभियान चलिरहेको छ । काँग्रेसले आफ्ना चुनावी प्रतिबद्धतापत्रसहित घरदैलो गरिरहेको छ ।

प्रकाशित मिति: सोमबार, वैशाख १९, २०७९ १०:४४

प्रतिक्रिया दिनुहोस्