बाँकेको डुडुवा वडा नं ५ कम्दीमा चौधरीको घरदैलो

स्थानीय

गृहपृष्ठ
स्थानीय
बाँकेको डुडुवा वडा नं ५ कम्दीमा चौधरीको घरदैलो

बाँकेको डुडुवा वडा नं ५ कम्दीमा चौधरीको घरदैलो

सोमबार, वैशाख १९, २०७९ बागेश्वरी पोस्ट

नेपालगन्ज । बाँकेको डुडुवा गाउँपालिकामा नेपाली कांग्रेसले घरदैलो कार्यक्रमलाई तिब्रता दिएको छ । नेपाली कांग्रेसबाट डुडुवा गाउँपालिका अध्यक्ष पदका उम्मेदवार नरेन्द्र कुमार चौधरी, उपाध्यक्ष पदका उम्मेदवार साहिदा बानो लगायतका नेताहरुको टोली आज विहानैदेखि वडा नं ५ को कम्दीका विभिन्न टोलहरुमा घरदैलो गरिरहेको हो ।

गाउँपालिकाका अध्यक्ष पदका उम्मेदवार चौधरी र उपाध्यक्ष पदका उम्मेदवार बानो दुवै जना संघियता पछिको पहिलो स्थानीय तह निर्वाचन २०७४ मा विजयी भएका थिए । उनीहरुले मतदाताहरुको घरदैलोमा पुग्ने क्रममा गएको ५ वर्षमा आफूहरुले गरेका कामहरुको बारेमा जानकारी गराए । यसका साथै बाँकी कामहरुलाई पूरा गर्नका लागि स्थानीयको साथ आवश्यक भएकाले यसपटकको निर्वाचनमा पनि नेपाली कांग्रेसलाई विजयी गराउन आग्रह गरे ।

"नयाँ नेतृत्व आए पालिकाको काम सिक्नुपर्ने हुन्छ । हामीले ५ वर्षे कार्यकालको अनुभव लिइसकेकाले पालिकाको काम गर्न सहज हुन्छ," अध्यक्ष पदका उम्मेदवार चौधरीले भने ।

मतदाताहरुले गएको ५ वर्षमा पालिकाले गरेको कामप्रति सन्तुष्ट भएकाले यसपटक पनि निर्वाचित गराएरै छाड्ने प्रतिवद्धता जनाएका छन् । घरदैलो कार्यक्रममा वडा ५ का अध्यक्ष पदका उम्मेदवार बेल बहादुर बोहरा, गाउँपालिकाका वडा सदस्य पदका उम्मेदवार रतन बहादुर चलाउने, काशीराम यादव, महिला सदस्य पदका उम्मेदवार ईना थारु, दलित महिला सदस्य पदका उम्मेदवार कलि कुमारी परियार लगायतको सहभागिता थियो ।

प्रकाशित मिति: सोमबार, वैशाख १९, २०७९ १२:२९

प्रतिक्रिया दिनुहोस्