नेपालगन्ज १८ मा कांग्रेस उम्मेदवारलाई विजयी बनाउन स्थानीयले नै सुरु गरे अभियान

स्थानीय

गृहपृष्ठ
स्थानीय
नेपालगन्ज १८ मा कांग्रेस उम्मेदवारलाई विजयी बनाउन स्थानीयले नै सुरु गरे अभियान

नेपालगन्ज १८ मा कांग्रेस उम्मेदवारलाई विजयी बनाउन स्थानीयले नै सुरु गरे अभियान

सोमबार, वैशाख १९, २०७९ बागेश्वरी पोस्ट

नेपालगन्ज । नेपालगञ्ज उपमहानगरपालिकाका वडा नम्बर १८ को अध्यक्ष पदमा नेपाली कांग्रेसका तर्फबाट उम्मेदवार मंगलप्रसाद बर्मा (कुर्मी) 'सानु' सहित वडा सदस्यका उम्मेदवारहरुको टिमले घरदैलो कार्यक्रमलाई निरन्तरता दिएको छ ।

'सानु' सहित घरदैलोमा गएको कांग्रेसी उम्मेदवारहरुको टोलीले वडाभित्र पर्ने टोल टोलमा पुगेर मतदाताहरुसँग जनगुनासोका बारेमा जानकारी लिएको छ । उनीहरुले निर्वाचनमा विजयी भए मतदाताहरुका जनगुनासोलाई सबैभन्दा पहिला पूरा गर्ने बताएपछि मतदाताहरु झनै उत्साहित बनेका छन् ।

वडामा पनि 'सानु' आफैंमा लोकप्रिय भएका कारण त्यहाँका स्थानीयहरुले यसपटक उनीसहित सबै कांग्रेसी उम्मेदवारहरुलाई विजयी बनाउने बताउँदै आएका छन् । वडा नम्बर १८ मा कांग्रेसबाट उम्मेदवार भएका अन्य सदस्यहरु पनि पहिलादेखि नै स्थानीयको सुखदुःखमा साथ दिएकै कारण सबै चर्चित छन् ।

'सानु' सहित सदस्यका सबै उम्मेदवारहरुलाई विजयी बनाउने भन्दै वडा नम्बर १८ का स्थानीयहरुले अभियान नै सुरु गरिसकेका छन् । उक्त वडाको सदस्यका उम्मेदवारहरुमा राम बहादुर भण्डारी, केशु पोखरेल, सरोज खटिक, रामप्रकाश मौर्य छन् ।

प्रकाशित मिति: सोमबार, वैशाख १९, २०७९ १३:५२

प्रतिक्रिया दिनुहोस्