अलोकतान्त्रिक गतिविधिमा पार्टी नेतृत्व लागिरहेको कांग्रेस नेताको आरोप

राजनीति

गृहपृष्ठ
राजनीति
अलोकतान्त्रिक गतिविधिमा पार्टी नेतृत्व लागिरहेको कांग्रेस नेताको आरोप

अलोकतान्त्रिक गतिविधिमा पार्टी नेतृत्व लागिरहेको कांग्रेस नेताको आरोप

बुधबार, पुस १६, २०७६ बागेश्वरी पोस्ट

काठमाडौं । कांग्रेस संस्थापन इतर पक्षका नेताहरू प्रकाशमा सिंह र डा.रामशरण महतले पार्टी नेतृत्वले अलोकतान्त्रिक गतिविधि गरेको आरोप लगाएका छन् ।

बिपी कोइराला स्मृति ट्रस्टले बुधबार राष्ट्रिय मेलमिलाप र एकता दिवसको सन्दर्भमा राजधानीमा गरेको कार्यक्रमा बोल्दै उनीहरूले पार्टी नेतृत्व अलोकतान्त्रिक भएको आरोप लगाएका हुन् ।

नेता सिंहले पार्टीमा झगडा नभएको बताउँदै अलोकतान्त्रिक तबरले हिंडेको पार्टी नेतृत्वलाई विधि, विधान, पद्धति, अनुशासनमा हिंडाउन आफूहरू लागेको पनि बताए । सहपार्टीले बिपी कोइरालाको बाटो बिराएको बताउँदै पार्टीलाई खाल्डोमा पर्नबाट बचाउनुपर्ने पनि बताए ।

‘पार्टीले बाटो बिराइरहेको छ । अगाडि ठूलो खाल्डो छ । खाल्डोको नजिक पुगिसक्यौं । त्यो खाल्डोमा पुगेर खत्तम हुने होकी ?’ नेता सिंहले भने ।

कार्यक्रममा अर्का नेता डा.रामशरण महतले पार्टी नेतृत्व महाधिवेशन आफ्नो प्रभुत्व जमाउन विधान विपरित निर्णयहरू गरेको आरोप लगाए ।

‘विधान विपरित पार्टीलाई आफू अनुकुल बनाउने र महाधिवेशनमा आफ्नो प्रभुत्व जमाउने, निष्पक्ष ढंगले नगर्ने गतिविधि नेतृत्वले गरेकोे देखेको छु,’ डा.महतले भने ।

नेता महतले नेपाली कांग्रेस इतिहासकै दुर्भाग्यपूर्ण मोडमा आएको पनि बताए । उनले अगाडि भने, ‘नेपाली कांग्रेसको इतिहासमा सबैभन्दा दूर्भाग्यपूर्ण अवस्था अहिले आएको छ ।’

उनले बिपी, गणेशमान सिंह, कृष्णप्रसाद भट्टराई लगायका नेताहरूको दर्शन, एकता र मेलमिलापको बाटोमा हिंड्न सबै एकजुट हुनुपर्ने बताए ।

वरिष्ठ पत्रकार तथा राजनीतिज्ञ होमनाथ दाहालले राष्ट्रिय जोगाउन सबै मिल्नुपर्ने बताउँदै कांग्रेस बचाउन नेता कार्यकर्ता लाग्नुपर्ने बताए । ‘नेतृत्व सत् प्रतिशत एउटाले लिनुहोस् र कांग्रेस बचाउनुहोस्’ दाहालले भने ।

प्रकाशित मिति: बुधबार, पुस १६, २०७६ १९:५९

प्रतिक्रिया दिनुहोस्