नेपालगन्ज वडा नं १३ मा कांग्रेसको जित निश्चित

स्थानीय

गृहपृष्ठ
स्थानीय
नेपालगन्ज वडा नं १३ मा कांग्रेसको जित निश्चित

नेपालगन्ज वडा नं १३ मा कांग्रेसको जित निश्चित

बुधबार, वैशाख २१, २०७९ बागेश्वरी पोस्ट

नेपालगन्ज । नेपालगन्ज वडा नम्बर १३ को कांग्रेसको घरदैलोले तिब्रता पाएको छ । वडा नम्बर १३ का अध्यक्षका उम्मेदवार सन्दिपजंग शाहसहित सबै उम्मेदवारहरुले आज पनि विहानैदेखि घरदैलो अभियान सुरु गरेका छन् ।

नेपाली काँग्रेसका तर्फबाट अध्यक्ष पदका उम्मेदवार शाहसहित सबै सदस्यका उम्मेदवारहरुले सबैभन्दा पहिलो प्राथमिकतामा शिक्षा, स्वास्थ्य, कृषि, वित्तिय ब्यवस्थापन, उद्यमशिलता र रोजगारी, सामाजिक सुरक्षा, पर्यटन, वातावरण तथा प्राकृतिक स्रोतको संरक्षण, फोहोरमैला ब्यवस्थापन तथा सरसफाई, विपद् ब्यवस्थापन, सामाजिक न्याय, समावेशिता, भाषा, साहित्य, कला र संस्कृति, खेलकुद, सूचना तथा सञ्चार लगायतका प्रतिबद्धता लिएर घरदैलोलाई निरन्तरता दिएका छन् ।

मतदाताहरु माझ स्थानीय समस्या समाधानका लागि निरन्तर लागिपर्ने प्रतिबद्धता उम्मेदवारहरुले व्यक्त गरेका छन् । मतदाताहरुसंगको भेटघाट कार्यक्रममा वडा अध्यक्ष पदका उम्मेदवार शाहले आफू विजयी भएपश्चात् स्थानीयको समस्यालाई जति सक्यो छिटो हल गरी विकासको गति बढाउने बताए ।

वडामा निकै चर्चित र सहयोगी मन भएका शाह अध्यक्षका उम्मेदवार बनेपछि कांग्रेसी उम्मेदवारहरु विजयी भन्ने लगभग पक्कापक्की नै छ ।

प्रकाशित मिति: बुधबार, वैशाख २१, २०७९ १६:०३

प्रतिक्रिया दिनुहोस्