पहिला समाजसेवा गरेका शाह अब जनप्रतिनिधि भएर सेवा गर्ने निश्चित

स्थानीय

गृहपृष्ठ
स्थानीय
पहिला समाजसेवा गरेका शाह अब जनप्रतिनिधि भएर सेवा गर्ने निश्चित

पहिला समाजसेवा गरेका शाह अब जनप्रतिनिधि भएर सेवा गर्ने निश्चित

बिहीबार, वैशाख २२, २०७९ बागेश्वरी पोस्ट

नेपालगन्ज । नेपालगन्ज वडा नम्बर ४ मा कांग्रेसबाट वडा अध्यक्षका उम्मेदवार प्रदिप शाह (तेली) ले आफू जनताको सेवा र वडाको बिकासका लागि समर्पित हुने बताएका छन् ।

निर्वाचित भए पश्चात् कुनै सेवा सुविधा नलिने घोषणा गरिसकेका अध्यक्षका उम्मेदवार शाह वडा नम्बर ४ मा निकै परिचित र सहयोगी मनका नेता समेत मानिन्छन् । समग्र वडाको बिकासका लागि विकासको योजना छनोट र कार्यान्वयन समुदायको सहभागिता तथा सहकार्यबाट गरिने उनले बताइसकेका छन् ।

उनी निर्वाचित बने लगत्तै वडाभित्र रहेको सम्पूर्ण सडकहरुको कालोपत्रे गरिने बताएका छन् । पहिला आम नागरिकको रुपमा वडामा समाजसेवा गर्दै आएका शाहले अब भने एउटा जनप्रतिनिधिको रुपमा सेवा र वडाको हरेक बिकास कार्यमा लागिपर्ने निश्चित जस्तै छ ।

शाह निर्वाचित बने पश्चात् शैक्षिक बेरोजगारीलाई न्यूनीकरण गर्नका लागि शैक्षिक योग्यताको प्रमाणपत्र धितो राखी ऋण उपलब्ध गराउने बताएपछि त्यहाँका युवाहरुले खुलेर कांग्रेसलाई सहयोग गर्ने बताइसकेका छन् ।

मतदाताहरु माझ स्थानीय समस्या समाधानका लागि निरन्तर लागिपर्ने प्रतिबद्धता व्यक्त गर्दै अघि बढिसकेका उम्मेदवार शाह युवा मात्रै नभई वृद्ध-वृद्धाहरुको मन मस्तिष्कमा रहेका छन् । शाह जत्तिकै सहयोगी र बिकासप्रेमी नै वडा नम्बर ४ को अध्यक्ष बन्न कसैले रोक्न नसक्ने भन्दै त्यहाँका आधा भन्दा बढी मतदाताले कांग्रेस नै उपयुक्त भनेर रोजिसकेका छन् । स्थानीयले शाहसहित खुल्ला सदस्यमा उत्तमसिंह सिजापति र मोहम्मद सलिम मुसलमान, महिला सदस्यमा अस्मिता शाह (महतरा) र दलित महिला सदस्यमा सुशिला कोरीलाई रोजिसके पनि अब त्यो रोजाई भोटमा मात्र परिणत हुन बाँकि छ ।

प्रकाशित मिति: बिहीबार, वैशाख २२, २०७९ १२:०४

प्रतिक्रिया दिनुहोस्