बैजनाथको चिसापानीलाई बाँके जिल्लाकै पर्यटकीय हब बनाउँछु: शाही

स्थानीय

गृहपृष्ठ
स्थानीय
बैजनाथको चिसापानीलाई बाँके जिल्लाकै पर्यटकीय हब बनाउँछु: शाही

बैजनाथको चिसापानीलाई बाँके जिल्लाकै पर्यटकीय हब बनाउँछु: शाही

बिहीबार, वैशाख २२, २०७९ बागेश्वरी पोस्ट

नेपालगन्ज । नेपाली कांग्रेस बैजनाथ गाउँपालिकाका उम्मेदवार प्रकाश बहादुर शाहीले चिसापानीलाई बाँके जिल्लाकै नमूना पर्यटकीय क्षेत्र बनाउने बताएका छन् ।

आज बैजनाथ गाँउपालिका वडा नं १ चिसापानीमा घरदैलो अभियानमा क्रममा शाहीले अहिले वडाकै गाभर भ्यालीमा होमस्टे सञ्चालन गरी पर्यटन क्षेत्रलाई टेवा दिए पनि अब वडालाई नै पर्यटकीय हब बनाउने बताए ।

उम्मेदवार शाहीले बाँके जिल्लाको बैजनाथ गाउँपालिकालाई जिल्लाकै नमूना पर्यटकीय क्षेत्र बनाउन सके स्थानीयलाई रोजगारी सिर्जना गर्नका लागि महत्वपूर्ण भूमिका खेल्न सकिने बताए ।

शाही भन्छन् , “बाँके राष्ट्रिय निकुञ्जका कारण बैजनाथको वडा नं १ र ४ नम्वर वडामा वन्यजन्तुले स्थानीयको कृषि उत्पादनमा नोक्सान गरेको छ । यसबाट प्रभावित जनतालाई निकुञ्जसंग समन्वय गरी बन्यजन्तुबाट प्रभावित नागरिकका लागि विशेष राहत प्याकेज ल्याउनेछु।”

यस्तै बैजनाथ गाउँपालिकाका अध्यक्षका उम्मेदवार शाहीले नौवस्ता औद्यौगिक क्षेत्रबाट विस्थापित भएका जनताको समस्या समाधान गर्ने बताए । बैजनाथ २ डिगियामा घरदैलो अभियानका क्रममा शाहीले औद्यौगिक क्षेत्र सञ्चालन हुँदा धेरै जनाले रोजगार पाए पनि त्यहाँ बसोबास गर्ने धेरै नागरिक विस्थापित हुने गर्दा सवैभन्दा पहिले त्यस क्षेत्रका नागरिकको समस्या समाधान गर्ने उद्घोष गरे ।

प्रकाशित मिति: बिहीबार, वैशाख २२, २०७९ १५:२३

प्रतिक्रिया दिनुहोस्