नेपालगन्ज ४ का मतदाताको अबको रोजाई कांग्रेस

स्थानीय

गृहपृष्ठ
स्थानीय
नेपालगन्ज ४ का मतदाताको अबको रोजाई कांग्रेस

नेपालगन्ज ४ का मतदाताको अबको रोजाई कांग्रेस

शुक्रबार, वैशाख २३, २०७९ बागेश्वरी पोस्ट

नेपालगन्ज । नेपाली कांग्रेसका तर्फबाट नेपालगन्ज ४ का वडा अध्यक्षका उम्मेदवार प्रदिप शाह (तेली) ले वडाका जनताले विगत पाँच बर्षमा भएको विकास भन्दा अब नेपाली कांग्रेसका प्रतिनिधिहरुले अझै आधुनिक बिकासको अनुभूति गर्नका लागि यसपटक कांग्रेसलाई जिताउन आग्रह गरेका छन् ।

वडा नम्बर ४ मा आज घरदैलो गर्दै अध्यक्षका उम्मेदवार शाहले विगतको निर्वाचनमा अर्को पार्टीलाई जिताए पनि अब मतदातासमक्ष कांग्रेसलाई जिताउन आग्रह गरेका छन् । 'नेपालगन्ज वडा नम्बर ४ लाई मनदेखि नै माया गर्ने हामी तपाईंहरुको घरदैलोमा भोट माग्न फेरि आएका छौं, यसपटक हामीलाई तपाईंहरुको साथ चाहिन्छ,' शाहले मतदातालाई आग्रह गर्दै भनेका छन् ।

जबाफमा मतदाताहरुले यसपटक आफूहरुको रोजाईमा कांग्रेस नै रहेको प्रतिक्रिया दिएका छन् । घरदैलो कार्यक्रम पश्चात् कोण सभालाई सम्बोधन गर्दै कांग्रेस नेताहरुले कांग्रेस बिना आधुनिक बिकासको सम्भावना नभएको हुँदा अब मतदाताले कांग्रेस नै रोज्ने जिकिर गरे ।

आज नेपाली कांग्रेस चुनावी सम्पर्क कार्यालय नेपालगन्ज वडा नम्बर ४ बाट सुरु भएको घरदैलो घोषीटोलीमा गएर सम्पन्न भएको हो । घरदैलोमा खुल्ला सदस्यका उम्मेदवार उत्तमसिंह सिजापति र मोहम्मद सलिम मुसलमान, महिला सदस्यमा अस्मिता शाह (महतरा) र दलित महिला सदस्य सुशिला कोरीसहित कांग्रेस नेता मो. अब्दुल हमिद सिद्दिकी, मो. कादिर हलवाइ, जिल्ला सचिव सुधांंशु कोइराला, माया पुन, लुम्बिनी प्रदेश सभा सदस्य मो. याकुब अन्सार कांग्रेस नगर सहसचिव शरद अधिकारी , महाधिवेशन प्रतिनिधि प्रदिप श्रेष्ठ लगायतको उपस्थिति रहेको थियो ।

प्रकाशित मिति: शुक्रबार, वैशाख २३, २०७९ ०९:५४

प्रतिक्रिया दिनुहोस्