नेपालगन्ज १८ मा कांग्रेस उम्मेदवारको पक्षमा उर्लियो मानव सागर

स्थानीय

गृहपृष्ठ
स्थानीय
नेपालगन्ज १८ मा कांग्रेस उम्मेदवारको पक्षमा उर्लियो मानव सागर

नेपालगन्ज १८ मा कांग्रेस उम्मेदवारको पक्षमा उर्लियो मानव सागर

शुक्रबार, वैशाख २३, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्बर १८ मा कांग्रेसको पक्षमा मानव सागर उर्लिएको छ । उक्त वडामा शुक्रबार(आज) बिहान घरदैलोका क्रममा कांग्रेसप्रति मतदाताको लहर बढेको हो ।

कांग्रेससहित गठबन्धनका तर्फबाट नगर प्रमुख पदका उम्मेदवार प्रशान्त विष्ट, वडाअध्यक्षका उम्मेदवार मंगलप्रसाद बर्मा (सानु) सहित कारकाँदो टोल, लग्दहवा र भुजई गाउँमा गरिएको घरदैलोका क्रममा मतदाताले स्वतःस्र्फुत रुपमा सहभागिता जनाएका थिए ।

उक्त वडाको वडाअध्यक्षमा मंगलप्रसाद वर्मा (सानु) सहित खुल्ला सदस्यमा रामबहादुर भण्डारी र रामप्रसाद मुराउ, महिला सदस्यमा केशु पोखरेल तथा दलित महिला सदस्यमा सरोज सोनकर उम्मेदवार छन् ।

स्थानीय बासिन्दाहरु स्वःस्फुर्त रुपमा घर बाहिर निस्केर कांग्रेसका उम्मेदवारलाई जिताउन प्रचार गरेका हुन् । त्यसक्रममा ठुलो संख्यामा उपस्थिती रहेको थियो । घरदैलोका क्रममा राष्ट्रिय सभाका सदस्य युवराज शर्मा, कांग्रेस लुम्बिनी प्रदेशका सदस्यद्धय परमेश्वरी पाठक र कृष्णा सापकोटा (चौधरी), जिल्ला उपसभापति गोपालप्रसाद अधिकारी, जिल्ला सचिव सुधान्सु कोइराला, जिल्ला सहसचिव रेणु सिंह ठाकुर, महासमिति सदस्य एवम् उपमहानगरपालिका निर्वाचन परिचालन समितिका संयोजक डा. सुरेशकुमार कनोडिया, लगायत ठुलो संख्यामा नेता, कार्यकर्ताको उपस्थिती रहेको थियो ।

उक्त वडामा यसपटक कांग्रेसका उम्मेदवारलाई जिताउने मतदाताले प्रतिवद्धता जनाएका छन् । ‘विगतमा एमालेका जनप्रतिनिधीले गरेको काम हामीले देखिसक्यौं, पाँच वर्षसम्म वडामा धेरै भ्रष्टाचार भयो, तर जनताको काम कत्तिपनि भएन,’ मतदाताले भने ‘आफ्ना मान्छेलाई ठेक्का दिने र बजेट बाँड्ने काम भयो, अब हामी विगतको गल्ती दोहोर्याउँदैनौं, कांग्रेसका उम्मेदवारलाई जिताउँछौं ।’ विकासको निहुँमा वडा नम्बर १८ का जनप्रतिनिधीले विगतमा धेरै भ्रष्टाचार गरेकाले यसपटक मतदान गर्दा आफ्नो विवेक प्रयोग गर्ने अधिकांस स्थानीय बताउँछन् ।

प्रकाशित मिति: शुक्रबार, वैशाख २३, २०७९ १४:३९

प्रतिक्रिया दिनुहोस्