लाहुराम थारु राप्तीसोनारीमा कांग्रेस उम्मेदवारहरुलाई जिताउन आह्वान गर्दै घरदैलोमा

स्थानीय

गृहपृष्ठ
स्थानीय
लाहुराम थारु राप्तीसोनारीमा कांग्रेस उम्मेदवारहरुलाई जिताउन आह्वान गर्दै घरदैलोमा

लाहुराम थारु राप्तीसोनारीमा कांग्रेस उम्मेदवारहरुलाई जिताउन आह्वान गर्दै घरदैलोमा

शुक्रबार, वैशाख २३, २०७९ बागेश्वरी पोस्ट

नेपालगन्ज । राप्तीसोनारी गाउँपालिका अध्यक्ष लाहुराम थारु आफ्ना कांग्रेस उम्मेदवारलाई जिताउन आह्वान गर्दै घरदैलो अभियानमा जुटेका छन् ।

उनी आज राप्ती सोनारी ४ का विभिन्न टोलहरुमा पुगेर नेपाली काँग्रेसका सबै उम्मेदवारहरुलाई जिताउन मतदातासँग मत माग्दै घरदैलोमा सहभागी भएका हुन् । सो अवसरमा बोल्दै महाधिवेशन प्रतिनिधि एवम् राप्तीसोनारी गाउँपालिका अध्यक्ष थारुले नेपाली काँग्रेसप्रति जनताको उत्साह आएकोले काँग्रेसको जित सुनिश्चित रहेको बताए ।

विकास र जनताका सरोकारका मुद्धा काँग्रेससँग मात्रै रहेको जनताले बुझेको बताउँदै काँँग्रेसका उम्मेदवारहरुलाई जिताउन जनता आतुर रहेको दावी गरे । राप्तीसोनारीको सबै सुकुम्बासी समस्या स्थानीयरुपमा समाधान आफूहरुले गर्ने अध्यक्ष थारुको भनाई छ । यसअघि आफ्नो कार्यकालमा गाउँपालिकामा धेरै बिकास भएको तर अझै बिकास गर्न केही बाँकि रहेको हुँदा अब कांग्रेस उम्मेदवार पौडेललाई विजयी बनाए त्यो सम्भब हुने उनले बताए । उनले सबैलाई अबको बिकास कांग्रेसबाट मात्रै सम्भब हुने हुँदा कांग्रेस उम्मेदवारहरुलाई विजयी बनाउन सबै कांग्रेसी एक ढिक्का भएर लाग्नुपर्ने बताए ।

राप्तीसोनारी गाउँपालिकामा काँग्रेसले नेतृत्व गरेको सरकारले विकासको सुरुवात गरेकाले पालिकाका प्रायःजसो विकासका काम भइरहेको बताउँदै अध्यक्ष थारुले जनताको विकासका चहाना आफूले पूर्णरुपमा बुझेको बताए । "विकासको चाहना हामीले बुझेका छौं, कार्यान्वयनको जिम्मा हामी लिन्छौं, विकास सिक्न राप्तीसोनारी आउने हामी बनाउँछौं," अध्यक्ष थारुले भने ।

नेपाली काँग्रेसबाट अध्यक्ष पदका उम्मेदवार तप्त पौडेलले राप्तीसोनारीमा काँग्रेसले पाँच वर्षमा गरेका कामहरुको उचित मूल्याङकन गरेर आफूहरुलाई सहयोग गर्न आग्रह गरेका छन् । स्थानीययहरुले काँग्रेसका जनप्रतिनिधिले गरेका कामहरुबाट आफूहरु लाभान्वित भएको भन्दै फेरि काँग्रेसलाई नै रोज्ने प्रतिक्रिया दिएका थिए । घरदैलोमा उपाध्यक्ष पदका उम्मेदवार मनिषासिंह थारु, वडाध्यक्ष पदका उम्मेदवार कान्छा थारु लगायतको सहभागिता रहेका थियो ।

प्रकाशित मिति: शुक्रबार, वैशाख २३, २०७९ १५:००

प्रतिक्रिया दिनुहोस्