नेपालगन्ज १८ मा विकासका नाममा स्थानीयको पर्खाल भत्काएर अलपत्र ,स्थानीयबासी रुष्ट

स्थानीय

गृहपृष्ठ
स्थानीय
नेपालगन्ज १८ मा विकासका नाममा स्थानीयको पर्खाल भत्काएर अलपत्र ,स्थानीयबासी रुष्ट

नेपालगन्ज १८ मा विकासका नाममा स्थानीयको पर्खाल भत्काएर अलपत्र ,स्थानीयबासी रुष्ट

शुक्रबार, वैशाख २३, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्वर १८ मा विकासका नाममा सडक निर्माणको काम अलपत्र परेको छ । सडकपीच गर्ने नाममा घरका पर्खाल तोडेर अलपत्र छारिएपछि वडा नम्वर १८ मा वडाअध्यक्ष दिपक वर्माप्रति स्थानियबासी रुष्ट हुँदै कांग्रेसबाट अध्यक्षमा उम्मेदवारी दिएका मंगलप्रसाद बर्मा (कुर्मी)'सानु' लाई समर्थन गर्ने जनाएका छन् ।

शिवशक्ति टोल, भगवती र नागरिक टोलमा सडक निर्माणको नाममा घरका पर्खाल भत्काउने काम भए । तर वडाअध्यक्ष वर्माको गम्भीर लापरवाहीका कारण स्थानीयबासीले सास्ती खेप्नु परेको छ । शिवशक्ती टोल सबैभन्दा पूरानो वस्ती हो । सडक विस्तारको नाममा यहाँ एक हप्ताको सूचना दिएर घरका पर्खालहरु भत्काउन लगाइयो तर सडक विस्तार भएन।

स्थानीयबासीपनि सडक निर्माण हुने भयो भनेर खुसीले दंग भए । वडाअध्यक्ष वर्मालाई सघाए पनि । तर पर्खाल भत्काएर छाडिदिएपछि शिवशक्ती टोलबासीमाथि वडाअध्यक्ष वर्माले अन्याय गरेका छन् । भगवती टोलमा पनि पर्खाल भत्काएर छाडिएको छ । उनीहरुले यसको विकल्पमा अबको अध्यक्षमा 'सानु' नै हो भन्दै अगाडि बढीसकेका छन् ।

नागरिक टोलको हविगतिपनि त्यस्तै बनाएर छाडिदिएका छन् । वडाअध्यक्ष वर्माले आफुले काम गरेको देखाउन धमाधम सडक निर्माणको शिलान्यास गरेर नाटकमंचन गरेको यहाँका स्थानीयबासीको गुनासो छ ।

सडक निर्माणको शिलान्यास गरेर विकास गरेको देखाउन वर्माले नाटक गरेको भन्दै अहिले ती सडक निर्माणका काम अलपत्र परेको वडाबासीको दुखेसो छ । हरेक काममा नाताबाद र पार्टीगत आस्थाका स्थानीयको मात्र काम गर्ने गरेका उनीप्रति रुष्ट बन्दै समाजसेवी ,सहयोगी र बिकासप्रेमी कांग्रेसबाट उम्मेदवार बनेका 'सानु' सहित सबै कांग्रेसका उम्मेदवारहरुलाई विजयी बनाएर नयाँ बिकासको खोजी स्थानीयले गरेका छन् ।

प्रकाशित मिति: शुक्रबार, वैशाख २३, २०७९ १५:५९

प्रतिक्रिया दिनुहोस्