कोहलपुरमा थारु समुदायका मुद्धा कांग्रेस उम्मेदवारको प्राथमिकतामा

स्थानीय

गृहपृष्ठ
स्थानीय
कोहलपुरमा थारु समुदायका मुद्धा कांग्रेस उम्मेदवारको प्राथमिकतामा

कोहलपुरमा थारु समुदायका मुद्धा कांग्रेस उम्मेदवारको प्राथमिकतामा

शनिबार, वैशाख २४, २०७९ बागेश्वरी पोस्ट

बाँके (कोहलपुर) । कोहलपुर नगरपालिकाका उम्मेदवारले थारु समुदायका मुद्धा प्राथमिकतामा रहेको बताएका छन् । आज कोहलपुरमा थारु समुदायसंग भएको छलफलमा नेपाली काँग्रेसका तर्फबाट कोहलपुर नगरपालिकाको प्रमुख पदका उम्मेदवार पूर्ण प्रसाद आचार्य, नगर उप–प्रमुख पदकी उमेदवार संगिता सुवेदी लगायतले यो थारु बाहुल क्षेत्र भएकाले थारु समुदायका मुद्धालाई प्राथमिकता दिने बताएका हुन् ।

लामो समयदेखि विवादका बीच बन्न नसकेको थारु संग्रहालय आफूहरु निर्वाचित भए लगत्तै निर्माण गर्ने प्रमुख पदका उम्मेदवार आचार्यले बताए । थारु समुदायको कला, संस्कृति संरक्षणका लागि संग्रहालय आवश्यक रहेको उनको भनाई छ ।

थारु समुदायको हक र हितमा काम गर्नका लागि आफूहरु सधैं तत्पर रहने उपप्रमुख पदका उम्मेदवार सुवेदीले बताइन् । तर, यसका लागि नेपाली कांग्रेसलाई जिताउन आवश्यक रहेको उनले बताइन् ।

कार्यक्रममा कोहलपुर नगरपालिकाका निवर्तमान उपप्रमुख सन्जु चौधरी, नेपाली कांग्रेसका नेताहरु फुलाराम थारु, जागेश्वर थारु लगायतले पनि अबको विकल्प कांग्रेस नै भएको बताए ।

प्रकाशित मिति: शनिबार, वैशाख २४, २०७९ १७:४६

प्रतिक्रिया दिनुहोस्