दुई भारतीय युवक आधुनिक पेस्तोल र गोलीसहित पक्राउ

सुरक्षा-अपराध

गृहपृष्ठ
सुरक्षा-अपराध
दुई भारतीय युवक आधुनिक पेस्तोल र गोलीसहित पक्राउ

दुई भारतीय युवक आधुनिक पेस्तोल र गोलीसहित पक्राउ

आइतबार, वैशाख २५, २०७९ बागेश्वरी पोस्ट

नेपालगन्ज । सशस्त्र प्रहरीले अटोमेटिक चाइनिज पेस्तोल र त्यसमा लाग्ने गोलीसहित दुई भारतीय युवालाई पक्राउ गरेको छ।

सशस्त्र प्रहरीले बाराको सिम्रौनगढ नगरपालिका ९ बाट अटोमेटिक चाइनिज पेस्तोल, म्याग्जिन र गोलीसहित दुई भारतीय युवकलाई पक्राउ गरेको हो ।पक्राउ पर्नेमा भारतको बिहारस्थित मोतीहारीका २३ वर्षीय पप्पुकुमार यादव र बिहारकै भेलावाका २२ वर्षीय अकलेशकुमार सिंह रहेका छन् ।

सीमावर्ती भारतीय गाँउबाट मोटरसाइकलमा सवार भएर नेपाल प्रवेश गरेका दुवै जनालाई सशस्त्र प्रहरीले रोकेर चेकजाँच गर्दा चाइनिज पेस्तोल १ थान, त्यसमा लाग्‍ने २ राउण्ड गोली, १ थान म्याग्जिन २ थान, कटुवा पेस्तोल १ थान र त्यसको दुई राउण्ड गोली बरामद भएको जनाइएको छ ।

पेस्तोल र गोलीसहित पक्राउ परेका दुवैलाई आवश्यक कारवाहीका लागि इलाका प्रहरी कार्यालय सिम्रौनगढमा बुझाइएको सशस्त्र प्रहरीले जनाएको छ । पक्राउ परेका दुबै जनासँँग थप अनुसन्धान भइरहेको नेपाल प्रहरीले जानकारी दिएको छ।

प्रकाशित मिति: आइतबार, वैशाख २५, २०७९ ०९:४७