भुमिहिन सुकुम्बासी र मजदुरहरुको समस्याप्रति चिन्तित छु: प्रशान्त बिष्ट

स्थानीय

गृहपृष्ठ
स्थानीय
भुमिहिन सुकुम्बासी र मजदुरहरुको समस्याप्रति चिन्तित छु: प्रशान्त बिष्ट

भुमिहिन सुकुम्बासी र मजदुरहरुको समस्याप्रति चिन्तित छु: प्रशान्त बिष्ट

आइतबार, वैशाख २५, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकाका नेपाली कांग्रेसका तर्फबाट प्रमुख पदका उम्मेदवार प्रशान्त बिष्टले भुमिहिन सुकुम्बासी र मजदुरको समस्या समाधानका लागि दत्तचित्त भएर लागिपर्ने बताएका छन् ।

आज बिहान नेपालगन्ज उपमहानगरपालिका वडा नम्बर २० मा ठूलो संख्याको उपस्थितिमा गरिएको घरदैलो कार्यक्रमका क्रममा उनले समुदायमा समस्या झेलिरहेका र अधिकार प्राप्त गर्न नसकेका त्यस्ता बर्गहरुको समस्याप्रति अत्यन्तै चिन्तित रहेको बताए ।

उनले नेपालगन्ज उपमहानगरपालिकाको वडा नम्बर २० क्षेत्रफलका हिसावले पनि ठूलो वडा भएकाले विकासको लागि योजनागत रुपमा अघि बढ्ने प्रतिबद्धता व्यक्त गरे ।

उनले वडा नम्बर २० कै राँझामा रहेको बिमानस्थलको स्तरउन्नतिका लागि संघीय सरकारसंग पहल गर्ने समेत बताए । यसका साथै मतदाताहरुले दिएको हौसलाले आफूमा उत्साह थपिएको बिष्टले बताए ।

घरदैलो कार्यक्रममा नेपाली कांग्रेसका केन्द्रिय सदस्य मैकुलाल बाल्मिकी, नेपाली कांग्रेस बाँकेका सचिव सुधान्शु कोइराला लगायत बाक्लो संख्यामा कांग्रेस नेता, कार्यकर्ता तथा शुभेच्छुकहरुको उपस्थिति रहेको थियो । यो उपस्थितिले कांग्रेसप्रति जललहर प्रष्ट रुपमा बढ्दै गएको भान आम नागरिकले गरेका छन् । बिष्ट पुग्नासाथ स्वःस्फूर्त रुपमा शुभेच्छुकहरुले उपस्थित भएर आशिर्वाद र शुभेच्छा प्रकट गर्ने गरेका छन् ।

नेपालगन्ज उपमहानगरपालिका वडा नम्बर २० मा नेपाली कांग्रेसका तर्फबाट वडा अध्यक्षमा रविन्द्र लामिछाने, महिला सदस्यमा गौरा यादव, दलित महिला सदस्यमा जिरा सार्की तथा वडा सदस्यमा सन्तोष कुमार शर्मा र दिलबहादुर शाही छन् ।

प्रकाशित मिति: आइतबार, वैशाख २५, २०७९ ११:११

प्रतिक्रिया दिनुहोस्