घरदैलो र चुनावी कोणसभापछि पौडेलले भने–‘जितेपछि जनताको समस्या अधुरो हुन दिन्न’

स्थानीय

गृहपृष्ठ
स्थानीय
घरदैलो र चुनावी कोणसभापछि पौडेलले भने–‘जितेपछि जनताको समस्या अधुरो हुन दिन्न’

घरदैलो र चुनावी कोणसभापछि पौडेलले भने–‘जितेपछि जनताको समस्या अधुरो हुन दिन्न’

आइतबार, वैशाख २५, २०७९ बागेश्वरी पोस्ट

राप्तीसोनारी । नेपाली काँग्रेसका तर्फबाट बाँके राप्तीसोनारी गाउँपालिकाका अध्यक्ष पदका उम्मेदवार तप्त पौडेलले राप्तीसोनारी गाउँपालिकाबासीले झेल्दै आएका समस्या सम्बोधनका लागि आफू प्रतिबद्ध रहेको भन्दै सहयोगको अपिल गरेका छन् ।

राप्तीसोनारी गाउँपालिका ७ मा आज घरदैलो कार्यक्रमपछि आयोजित कोणसभालाई सम्वोधन गर्दै वडा नम्वर ७ राप्ती नदीको कटान, डुवानबाट पीडित रहेको भन्दै यसको दीर्घकालीन समस्या समाधानका लागि स्थायी तटबन्धको व्यवस्था गरिने बताए । उनले काँग्रेसका उम्मेदवारलाई निर्वाचित गराए समृद्ध गाउँपालिका बनाउने आफ्नो योजनाले सार्थक पाउने उद्घोष गरेका छन् ।

गाउँपालिकाका अध्यक्ष लाहुराम थारुले आफ्नो पाँच वर्षीय कार्यकालमा पूरा नभएका योजनाहरुलाई सार्थक बनाउन काँग्रेसका उम्मेदवारहरुलाई मतदान गर्न आव्हान गरे । उनले भने– ‘यो पाँच वर्षिय कार्यकालमा धेरै कामहरु भएका छन् ती कामलाई पूर्णता दिन अध्यक्ष पदका उम्मेदवार पौडेलसहितको टीमलाई विजयी बनाउनुहोस् ।’ यसअघि आज विहान वडा नम्वर ६ मा पनि घरदैलोसँगै चुनावी कोणसभा गरिएको थियो । त्यसक्रममा मतदाताहरुले भौतिक पूर्वाधार निर्माण, शिक्षा, स्वास्थ्य लगायतका समस्या सम्वोधनको पहल गर्न आग्रह गरेका थिए ।

उपाध्यक्ष पदका उम्मेदवार मनिषासिंह थारुसहितका उम्मेदवारहरु सहभागी घरदैलो तथा कोणसभामा काँग्रेसलाई निर्वाचित गराए, जनताको सवाललाई क्रमागतरुपमा पूरा गर्ने प्रतिबद्धता अध्यक्षका उम्मेदवार पौडेलले गरे । घरदैलोका क्रममा मतदातालाई मत हाल्न सिकाउने कामलाई पनि काँग्रेस राप्तीसोनारीले तिब्रता दिएको छ ।

प्रकाशित मिति: आइतबार, वैशाख २५, २०७९ १२:५६

प्रतिक्रिया दिनुहोस्