घरदैलो गर्दै हिरमिनिया पुगेका चौधरीलाई मतदाताले आशिर्वाद दिँदै भने–‘बाबु फेरि जित्नुहोस् डुडुवालाई नमुना बनाउनुहोस्’

स्थानीय

गृहपृष्ठ
स्थानीय
घरदैलो गर्दै हिरमिनिया पुगेका चौधरीलाई मतदाताले आशिर्वाद दिँदै भने–‘बाबु फेरि जित्नुहोस् डुडुवालाई नमुना बनाउनुहोस्’

घरदैलो गर्दै हिरमिनिया पुगेका चौधरीलाई मतदाताले आशिर्वाद दिँदै भने–‘बाबु फेरि जित्नुहोस् डुडुवालाई नमुना बनाउनुहोस्’

आइतबार, वैशाख २५, २०७९ बागेश्वरी पोस्ट

डुुडुवा (बाँके) । डुडुवा गाउँपालिकाका नेपाली कांग्रेसका तर्फबाट अध्यक्ष पदका उम्मेदवार नरेन्द्र चौधरी र उपाध्यक्ष पदका उम्मेदवार साहिदा बानोले निर्वाचन नजिकिँदै गर्दा घरदैलो अभियानलाई तिब्र बनाएका छन् । उनीहरुले आज डुडुवा गाउँपालिकाको वडा नम्बर ६ हिरमिनियामा घरदैलो गरेका छन् ।

घरदैलोका क्रममा मतदाताले आशिर्वाद दिँदै भने–‘बाबु फेरि जित्नुहोस् र हाम्रो गाउँपालिकालाई नमुना बनाउनुहोस् ।’ अध्यक्ष पदका उम्मेदवार चौधरीले गाउँपालिकाले शिक्षा, स्वास्थ्य, कृषि र बिपद व्यवस्थापनको क्षेत्रमा आफूले गरेका कामहरुलाई आगामी कार्यकालमा अवसर पाएमा अझै प्रभावकारी बनाउने बताएका छन् । उनले विगतमा पूरा हुन नसकेका कामलाई पूरा गर्न आफूहरु चुनावी प्रतिस्पर्धामा होम्मिएको बताए । यस्तै उपाध्यक्ष पदका उम्मेदवार साहिदा बानोले गाउँपालिकाले विकासका पूर्वाधारसंगै सामाजिक सहभागिता र न्यायको क्षेत्रमा पनि उल्लेखनीय काम गरेकाले आगामी कार्यकालका लागि पनि आफूहरुलाई जिताउन आग्रह गरिन् ।

उनले समुदायमा आधारित विकासका काममा गाउँपालिकाले विशेष जोड दिइरहेको बताइन् । अब एक पटक फेरि बिजयी बनाएर विकासको काममा साझेदारी गर्न उनले आग्रह गरिन् ।

प्रकाशित मिति: आइतबार, वैशाख २५, २०७९ १३:५७

प्रतिक्रिया दिनुहोस्