स्वास्थ्य सुधारमा पूर्ण आचार्यको योजनाः२५ शैयाको नगर अस्पतालदेखि निःशुल्क स्वास्थ्य विमासम्म

स्थानीय

गृहपृष्ठ
स्थानीय
स्वास्थ्य सुधारमा पूर्ण आचार्यको योजनाः२५ शैयाको नगर अस्पतालदेखि निःशुल्क स्वास्थ्य विमासम्म

स्वास्थ्य सुधारमा पूर्ण आचार्यको योजनाः२५ शैयाको नगर अस्पतालदेखि निःशुल्क स्वास्थ्य विमासम्म

आइतबार, वैशाख २५, २०७९ बागेश्वरी पोस्ट

कोहलपुर । नेपाली काँग्रेस कोहलपुर बाँकेले कोहलपुर नगरपालिकाभित्र स्थायीरुपमा बसोबास गरेका व्यक्तिहरुमा जटिल तथा दीर्घरोग देखिए नेपाल सरकारले प्रदान गर्ने ५ हजारमा अरु २ हजार थप गरेर दिने भएको छ । काँग्रेसको घोषणापत्रमा सरकारले प्रदान गर्दै आएको ५ हजारमा नगरपालिका आफैंले २ हजार रुपैयाँ थपेर ७ हजार सहुलियत प्रदान गर्ने उल्लेख गरिएको छ ।

कोहलपुर नगरपालिकाभित्र रहेका सबै वडाहरुम उप–स्वास्थ्य चौकी स्थापना गरी कार्यान्वयनमा ल्याइने भएको छ । कोहलपुर नगरपालिकामा कम्तिमा पनि २५ शैयाको नगर अस्पतालको स्थापना गरिने, नगरभित्रका स्वास्थ्य चौकीहरुको स्तरवृद्धि गरी प्राथमिक स्वास्थ्य केन्द्रका रुपमा विकास गरिने, नगरभित्र बसोबास गर्ने गरिव, विपन्न, असाहय, अशक्त, अपांगता, मुक्त कमैया, सुकुम्बासी र दलित परिवारलाई निःशुल्क स्वास्थ्य बीमाको व्यवस्था गरिने काँग्रेसको घोषणापत्रमा उल्लेख छ ।

यस्तै ६० वर्ष माथिका जेष्ठ नागरिक, अपांगता, दीर्घरोगी, द्वन्दकालका घाइतेहरु तथा एकल महिलाहरुका लागि व्यवस्थित स्वास्थ्य कक्षको निर्माण गरी तत्काल उपचार गर्ने व्यवस्थालाई कार्यान्वयनमा ल्याइने उल्लेख छ । कोहलपुर नगरपालिका–२ प्रेमनगरमा अवस्थित नगर स्वास्थ्य शाखामा हाल कार्यरत डाक्टर दरबन्दी संख्यालाई आवश्यकता अनुसार दरबन्दी थप गर्दै स्तरबृद्धिका लागि आवश्यक बजेटको व्यवस्था गरिने उल्लेख गरिएको छ ।

महिला स्वास्थ्य स्वयंसेविकाहरुको मासिक भत्ता वृद्धि गरिने पनि घोषणापत्रमा उल्लेख छ । कोहलपुर नगरपालिकामा काँग्रेसका तर्फबाट नगर प्रमुख पदका उम्मेदवार पूर्णप्रसाद आचार्यले कोहलपुर मेडिकल कलेजसँग समन्वय गरी स्वास्थ्य सेवालाई सहुलियत रुपमा उपचार गर्ने व्यवस्थाको पहल गरिने समेत बताए ।

प्रकाशित मिति: आइतबार, वैशाख २५, २०७९ १४:११

प्रतिक्रिया दिनुहोस्