बैजनाथका मतदाताले कांग्रेसलाई नै चाहेका छन्ः अध्यक्षका उम्मेदवार शाही

स्थानीय

गृहपृष्ठ
स्थानीय
बैजनाथका मतदाताले कांग्रेसलाई नै चाहेका छन्ः अध्यक्षका उम्मेदवार शाही

बैजनाथका मतदाताले कांग्रेसलाई नै चाहेका छन्ः अध्यक्षका उम्मेदवार शाही

आइतबार, वैशाख २५, २०७९ बागेश्वरी पोस्ट

बैजनाथ (बाँके) । बैजनाथ गाउँपालिकाको चुनावी परिणाम आफ्नो पोल्टामा पार्न कांग्रेस उम्मेदवारहरु जोडतोडले लागेका छन् । एमालेको विरासत भत्काउने उद्देश्यका साथ आक्रामक ढंगले प्रस्तुत भइरहेको कांग्रेसले घरदैलादेखि कोणसभा, ¥याली लगायतका गतिविधि गरिरहेको जनाएको छ । मतदातालाई मत हाल्न सिकाउने काम पनि संगसंगै भइरहेको छ ।

बैजनाथमा नेपाली कांग्रेसबाट गाउँपालिका अध्यक्षमा प्रकाश बहादुर शाही र उपाध्यक्षमा निर्मला रोकाय चुनावी मैदानमा छन् । ८ वटा वडा रहेको बैजनाथमा वडाको परिणाम पनि आफ्नो पक्षमा पार्न कांग्रेस उम्मेदवारहरु चर्को दौडधुपमा छन् । २०७४ को स्थानीय तहको निर्वाचनमा एमालेले जितेपछि वितेको पाँच बर्षमा गर्न नसकेका कामहरुको फेहरिष्ट बोकेर कांग्रेस चुनावी मैदानमा छ । जनताको आकांक्षालाई सम्बोधन गर्ने गरी एमालेका जनप्रतिनिधिहरुबाट काम हुन नसकेको एजेण्डा बोकेर चुनावी मैदानमा होमिएको कांग्रेसले बैजनाथ बनाउने जिम्मा अब आफ्नो पार्टीलाई दिन आग्रह गरिहेको छ ।

एमालेले मुख पनि देखाउन नमिल्ने गरी जनतालाई निराश बनाएकाले मतदाताहरुले यसपटक कांग्रेसलाई रोज्नुको विकल्प नदेखेको अध्यक्षका उम्मेदवार शाही बताउँछन् । "हामी गर्न सकिने प्रतिबद्धतासहितको घोषणापत्र बोकेर चुनावमा होमिएका छौैं, हामीलाई विश्वास छ बैजनाथका जनताले हाम्रो आवश्यकता महसुस गरिसक्नुभएको छ, अब मतपत्रमा व्यक्त गर्न मात्र बाँकी छ," शाही भन्छन्-"जनताले बैजनाथमा अब कांग्रेसलाई नै चाहेका छन्, त्यो दिन अब निकै नजिक आइसकेको छ ।"

अध्यक्षका उम्मेदवार शाही र उपाध्यक्षका उम्मेदवार रोकायले आज पनि वडा नम्बर ३ र ४ का विभिन्न गाउँ र टोलहरुमा घरदैलो गरेका छन् ।

प्रकाशित मिति: आइतबार, वैशाख २५, २०७९ १६:०७

प्रतिक्रिया दिनुहोस्