बाँकेको डुडुवा ५ जब्दहवामा वृहत चुनावी सभा

स्थानीय

गृहपृष्ठ
स्थानीय
बाँकेको डुडुवा ५ जब्दहवामा वृहत चुनावी सभा

बाँकेको डुडुवा ५ जब्दहवामा वृहत चुनावी सभा

आइतबार, वैशाख २५, २०७९ बागेश्वरी पोस्ट

नेपालगन्ज । बाँकेको डुडुवा गाँउपालिका वडा नं ५ जब्दहवा गाँउमा वृहत चुनावी सभा गरिएको छ । गाउँपालिकाको सबैभन्दा ठूलो वडा भएकाले यहाँका सबै गाउँमा प्रचार प्रसारमा जान समय नभएपछि आज सबैको सहभागितामा वृहत चुनावी सभा गरिएको अध्यक्ष पदका उम्मेदवार नरेन्द्र चौधरीले बताएका छन् । कार्यक्रममा बोल्दै चौधरीले यस वडामा गाउँपालिकाको अन्य वडा भन्दा बढी लगानी भएको बताए । लगानी अनुसार अन्य वडा भन्दा यहाँ विकासले फड्को मारेको छ ।

यहाँको सुकुम्बासी समस्या समाधानका लागि गाउँपालिकाले कार्ययोजना निर्माण गरी अघि बढेको उनले जानकारी दिए । आफूहरुले कृषिदेखि पर्यटनसम्मका योजनाहरु ल्याएको बताउँदै आफू अध्यक्ष हुँदा शिक्षा, स्वास्थ्य, पशु, कृषि लगायत क्षेत्रमा गरेका कामहरुको बारेमा समेत जानकारी गराए । निर्वाचनका क्रममा भ्रममा पारेर अतिरञ्जित कुरा गर्ने, झुटा कुरा गरेर जनतालाई भ्रममा पार्ने गरिएकाले त्यसबाट सचेत रहन समेत उनले आग्रह गरे । कार्यक्रममा उपाध्यक्ष पदका उम्मेदवार सहिदा बानो, वडाध्यक्ष पदका उम्मेदवार बेलबहादुर बोहरा, वडा सदस्य लगायतको सहभागिता रहेको थियो ।

प्रकाशित मिति: आइतबार, वैशाख २५, २०७९ १८:५५

प्रतिक्रिया दिनुहोस्