काँग्रेसको एजेण्डामा मतदाताहरु सहमत हुँदै, नेपालगन्जमा प्रशान्त जित्दै

स्थानीय

गृहपृष्ठ
स्थानीय
काँग्रेसको एजेण्डामा मतदाताहरु सहमत हुँदै, नेपालगन्जमा प्रशान्त जित्दै

काँग्रेसको एजेण्डामा मतदाताहरु सहमत हुँदै, नेपालगन्जमा प्रशान्त जित्दै

सोमबार, वैशाख २६, २०७९ बागेश्वरी पोस्ट

नेपालगन्ज । नेपाली काँग्रेसका तर्फबाट नेपालगन्ज उपमहानगरपालिकाका नगर प्रमुख पदका उम्मेदवार प्रशान्त विष्ट सहितको उम्मेदवारले आज विहानै नेपालगन्ज उपमहानगरपालिका १० मा घरदैलो तथा कोणसभा गरेका छन् ।

कोणसभामा बोल्दै बिष्टले यसअघि कांग्रेसले जितेको वडा नम्बर १० मा यसपटक नर बहादुर बिष्टको पूरै टिमलाई जिताउन सबै नेता कार्यकर्तालाई आग्रह गरे । उनले नेपालगन्जको विकासका लागि काँग्रेसको विकल्प नभएको बताए । त्यस्तै नगर प्रमुखका उम्मेदवार बिष्टलाई वडा नम्वर १० मा पनि मतदाताले हौसला दिएका छन् ।

आफू निर्वाचित भए पश्चात् स्थानीय समस्या र अधुरा कार्य सबै पूरा गर्ने नगर प्रमुख बिष्टले बताए । काँग्रेसले सारेका एजेण्डामा मतदाताहरु सहमत हुँदै गएका छन् । जसका कारण प्रशान्तको जित बलियो बन्दै गएको छ ।

यस्तै नेपाली काँग्रेसका केन्द्रीय सदस्य मैकुलाल बाल्मिकीले नगरप्रमुखमा प्रशान्त बिष्ट र गठवन्धन दलका उपप्रमुख कमरुद्दिन राईलाई विजयी बनाउन लाग्न कार्यकर्तालाई निर्देशन दिएका छन् । उनले विकासप्रेमी र योजनासहितको टिमलाई जिताउन मतदातालाई आव्हान गरे ।

काँग्रेस बाँकेका पूर्व पार्टी सभापति किरण कोइरालाले काँग्रेसको जितले मात्रै समृद्धि आउने बताइन् । घरदैलो तथा कोणसभामा काँग्रेसी कार्यकर्ता तथा शुभेच्छुकहरुको वाक्लै उपस्थिति रहेको थियो ।

प्रकाशित मिति: सोमबार, वैशाख २६, २०७९ ०८:५०

प्रतिक्रिया दिनुहोस्