मतदाताको गुनासो सुन्दै,भोट माग्दै पौडेल

स्थानीय

गृहपृष्ठ
स्थानीय
मतदाताको गुनासो सुन्दै,भोट माग्दै पौडेल

मतदाताको गुनासो सुन्दै,भोट माग्दै पौडेल

सोमबार, वैशाख २६, २०७९ बागेश्वरी पोस्ट

राप्तीसोनारी (बाँके )। राप्तीसोनारी गाँउपालिका अध्यक्ष पदका उम्मेदवार तप्त पौडेले आज मतदातालाई प्रत्यक्ष भेटेर गुनासो सुनेका छन् ।

मतदाताहरुको घरदैलोमै पुगेर उनीहरुका गुनासो सुनेको र धेरैका गुनासोलाई आफूले टिपोर्ट गरेको उहाँले बताए । अब प्रचार प्रसार गर्ने समय अन्तिम चरणमा पुगेका मतदाता भेटघाट कार्यलाई तिब्रता दिएको उहाँले बताए ।

भेटघाटका क्रममा मतदाताहरुले सिंचाई, खानेपानी, बाटोघाटो, मल विउ लगायतका समस्या सुनाएका थिए । ती समस्या समाधान गर्ने योजना रहेको बताउदै अध्यक्ष पदका उम्मेदवार पौडेलले जनताको सेवामा सधै सर्मपित हुने प्रतिवद्धता जनाए ।

यसैक्रममा आज उनले गाँउपालिका वडा नम्बर २ को हरीहरपुरमा भेटघाट गरेका छन् । यस्तै वडा नम्बर ६ मा पनि मतदातासंग भेटघाट गरिएको छ । अध्यक्ष पदका उम्मेदवार पौडेल र उपाध्यक्ष पदका उम्मेदवार मनिषा सिंह थारु लगायतले मतदाता भेटघाट गरिरहेको नेपाली कांग्रेस राप्ती सोनारीका सभापति भिमबहादुर रानाक्षेत्रीले जानकारी दिए ।

प्रकाशित मिति: सोमबार, वैशाख २६, २०७९ १४:०५

प्रतिक्रिया दिनुहोस्