“दलित अधिकारका मुद्दालाई संस्थागत गर्न नेपाली काँग्रेस आवश्यक”

स्थानीय

गृहपृष्ठ
स्थानीय
“दलित अधिकारका मुद्दालाई संस्थागत गर्न नेपाली काँग्रेस आवश्यक”

“दलित अधिकारका मुद्दालाई संस्थागत गर्न नेपाली काँग्रेस आवश्यक”

सोमबार, वैशाख २६, २०७९ बागेश्वरी पोस्ट

कोहलपुर । दलित अधिकारका मुद्दालाई संस्थागत गर्न स्थानीय सरकारको नेतृत्व नेपाली काँग्रेसले गर्न आवश्यक रहेको कोहलपुर क्षेत्रका दलित अधिकारकर्मीहरुले बताएका छन् ।

राष्ट्रिय राजनीतिमा दलित समुदायको बलियो उपस्थितिका लागि काँग्रेसले प्रयास गरिरहेकोमा उनीहरुले खुशी व्यक्त गरे ।

दलित संघ बाँकेले आज कोहलपुरमा आयोजना गरेको अन्तरक्रिया कार्यक्रममा बोल्ने बक्ताहरुले कोहलपुर नगरपालिकाको विकासका लागि प्रमुखमा नेपाली कांग्रेसका उम्मेदवार पुर्णप्रसाद आयार्य र उपप्रमुख संगिता सुवेदी लगायत सबै उम्मेदवारहरुले जित्न आवश्यक रहेको बताएका हुन ।

कार्यक्रममा दलित संघ बाँके अध्यक्ष कृष्ण बिकले नेपाली काँग्रेस नेतृत्वको सरकारले दलित आयोग गठन गरेको र दलितको अधिकारका लागि कांग्रेसले सदैव चासो र चिन्ता दिएकाले नेपाली कांग्रेसलाई मतदान गर्न आवश्यक रहेको बताए ।

कार्यक्रमलाई सम्बोधन गर्दै नेपाली कांग्रेसका तर्फबाट कोहलपुर नगरपालिकामा प्रमुख पदका उम्मेदवार आचार्यले शिक्षा र स्वास्थ्यका क्षेत्रमा दलित समुदायको सहज पहुँच बढाउन विशेष कार्यक्रम सञ्चालन गरिने बताए ।

उनले दलित समुदायका बिद्यार्थीलाई शैक्षिक छात्रबृत्तिको व्यवस्था गर्ने प्रतिबद्धता समेत व्यक्त गरे । यसका साथै उनले दलित समुदायको हकहितका लागि योजनागत रुपमा काम गर्ने बताए ।

प्रकाशित मिति: सोमबार, वैशाख २६, २०७९ १७:४८

प्रतिक्रिया दिनुहोस्