१३ औं 'साग' मा स्वर्ण पदक विजेता बाँकेकी सन्जु मृत भेटिइन्

समाचार

गृहपृष्ठ
समाचार
१३ औं 'साग' मा स्वर्ण पदक विजेता बाँकेकी सन्जु मृत भेटिइन्

१३ औं 'साग' मा स्वर्ण पदक विजेता बाँकेकी सन्जु मृत भेटिइन्

मंगलबार, वैशाख २७, २०७९ बागेश्वरी पोस्ट

नेपालगन्ज । नेपालकी चर्चित खेलाडी सन्जु चौधरी मृत भेटिएकी छिन् । १३ औं दक्षिण एसियाली खेलकुद सागकी स्वर्ण पदाधिकारी भारोत्तोलन खेलाडी सन्जु मृत भेटिएकी हुन् । नेपाल भारोत्तोलन संघका अध्यक्ष रामकृष्ण श्रेष्ठ (बोस) का अनुसार सन्जु ललितपुरको लुभुस्थित भारोत्तोलन प्रशिक्षक संजय महर्जनको घरमा मृत भेटिएकी हुन् ।

बाँकेकी सन्जुले १३ औं सागमा महिला ५९ केजी तौल समूहमा श्रीलंकाका खेलाडीलाई पछि पार्दै स्वर्ण जितेकी थिइन् । प्रशिक्षक महर्जनको घरमा बस्दै आएकी सन्जु बिहान झुन्डिएको अवस्थामा फेला परेकी हुन् । प्रशिक्षक महर्जनको घरमा आयोजित जात्राको भोजमा सामान्य अवस्थामा सामेल भएकी सन्जु बिहान मृत भेटिएकी हुन् ।

प्रारम्भिक अनुसन्धानमा उनले आत्महत्या गरेको देखिएको भएपनि अनुसन्धानपछि थप जानकारी आउने प्रहरीले बताएको छ । चीनमा आयोजना हुने १९ औं एसियाली खेलकुदका लागि बन्द प्रशिक्षणमा सामेल हुन सन्जु काठमाडौं आएकी थिइन् । एसियाली खेलकुद भने सन् २०२३ सम्मका लागि सरेको छ ।

प्रकाशित मिति: मंगलबार, वैशाख २७, २०७९ १०:५०

प्रतिक्रिया दिनुहोस्